Adriano Emperado

Dâ Wikipedia, la nciclupidìa lìbbira.
Jump to navigation Jump to search

Adriano Emperado (natu lu 6 di giugnu 1926 a Honolulu) è lu principali di cincu artisti marziali chi hannu elabburatu kajukenbo - lu sistema di autudifesa.

Emperado havi avutu na nfanzìa dura a Honolulu. Lu sò allinamentu nizziali di arti marziali era in escrima, chi cchiù tardi havi nfruinzatu aspetti dû sò kajukenbo. 'N siguitu, Emperado si è ntirissatu ô kempo e havi junciutu cintura niura di quintu-gradu sutta la dirizzioni di William K. S. Chow.

Ntô 1947, cincu artisti marziali, chi si sunnu chiamati la Sucitá di Cintura Niura (Black Belt Society), ncuntratu 'n un quartieri di Honolulu canusciutu comu Burgu di Palama. Lu dò scopu era: elabburari lu sistema supremu di autudifesa. Eranu: Peter Y. Choo (lu tangsudo - lu karate corianu), Frank Ordonez (lu jujitsu), Joseph Holck (lu judo), Adriano Emperado (lu kenpo e l'escrima), e Clarence Chang (lu wushu di Shaolin - "lu puggilatu cinisi"). Doppu dui anni, sti cincu mastri marziali hannu criatu un sistema chi era assai efficaci 'n cummattimenti ntâ strada. Stu sistema havi dirivatu lu sò nomu ("lu kajukenbo") dî primi littri dî quattru stili dî quali era statu cunsistutu. Di tannu, lu kajukenbo havi acquisutu na riputazzioni comu "la arti pirfizziunata di cummattimentu sporcu supra la strata", comu un membru dittu.

La prima scola dû kajukenbo era graputa ô Burgu di Palama e diretta pi Emperado e pi sò frati, Joe. Pi èssiri nvincìbbili supra li strati, li studenti avìanu lu allinamentu rialìsticu e brutali, e cummàttinu cu lu cuntattu chinu. Diversi cuntusioni èranu un eventu cutidianu e lu nùmmuru di studenti â scola prestu diminuitu a arcuni òmini liali. La scola dû Emperado ha datu assai struttura futuri chi avìanu successi e hannu nfruinzatu supra la cumunità ntirnazziunali di arti marziali: Sid Asuncion, Tony Ramos, Charles Gaylord, Aleju Reyes, Joe Halbuna e Al Dacascos, pi enumirari appena quarchi d'iddi.

Ntô 1959, Emperado havi accuminzatu a ncurpurari wushu ô sistema dû kajukenbo, chi movi l'accentu dû stili duru dû karate a na cumminazzioni di ticnici duri e moddi. Lu kajukenbo s'havi evolutu 'n nu stili graputu ô migghiuramentu e dispustu a accittari zoccu è efficaci.

Lu kajukenbo mudernu usa la sò redità, ma cura la sò riputazzioni comu na arti chi era priparata pi qualunchi cummattimentu ntâ strada. A causa di vita orientata versu li cuntribbuti a l'arti marziali, la rivista Black Belt Magazine (la Rivista di Cintura Niura) numinau Adriano Emperado lu sò Strutturi dû 1991.