Acqua passata nun macina mulinu
Acqua passata nun macina mulinu è nu pruverbiu di la tradizzioni linguìstica siciliana. Lu significatu di la sintenzia è: nun fari sprupòsiti ntî li mumenti di nirvusa picchì quannu chista passa ti scordi tutti cosi.
Citazzioni
[cancia | cancia lu còdici]Lu pruverbiu è citatu e spigatu ntî la Raccolta di proverbj siciliani ridutti in canzuni di l'abbati Santu Rapisarda:
| « Si ti sciarrìi ccu l'armi a li manu, cc'un parenti, un amicu, o cc'un vicinu e 'mmenzu si cci metti un paisanu mintennu paci, di prudenza chinu, subitu cedi, e mustra un cori umanu, chista è la liggi di lu citatinu, e poi nn'insigna lu sicilianu: ch'acqua passata nun macina mulinu. » | |
| (Raccolta di proverbj siciliani ridutti in canzuni) |
Vuci cunzigghiati
[cancia | cancia lu còdici]- Pruverbi siciliani, nu veru granni alencu di pruverbi di la Sicilia.