Jaci Sant'Antoniu
| Jaci Sant'Antoniu | |
| |
| Dittagghi: Chiesa Madre in Piazza Maggiore | |
| Muttu: | |
| Nomu ufficiali: | Aci Sant'Antonio |
|---|---|
| Riggiuni: | |
| Pruvincia: | Catania |
| Cuurdinati: | 37°36'21.21502"N, 15°7'33.77449"E, 37°36'17.96"N, 15°7'22.58"E Ammustra ntâ mappa |
| Superfici: | 14 km² |
| Abbitanti: | 15.664 |
| Dinzitati: | 1119 ab./km² |
| Cumuni cunfinanti: | Jaci Bonaccossi, Jaci Catena, Aciriali, Bedduvirdi, Varanni, Zafarana |
| CAP: | 95025 |
| Prifissu telefònicu: | +095 |
| Situ ufficiali: | https://www.comune.acisantantonio.ct.it/ |
Jaci Sant'Antoniu (o Aci Sant'Antoniu e chiamatu simpricimenti Sant'Antoni ntâ parrata lucali) è un cumuni di 15.664 abbitanti dâ pruvincia di Catania.
Jaci Sant’Antoniu assetta 212 Km. di Girgenti (Agrigento), 140 Km. di Nissa (Caltanissetta), 13 Km. di Catania, di quali pruvincia apparteni, 105 Km. di Castrugiuvanni (Enna), 83 Km. di Missina, 262 Km. di Palermu, 117 Km. di Raùsa, 71 Km. di Saraùsa (Siracusa), e 369 Km. di Tràpani.
Lu cumuni avi n'aria di 1.427 èttari e la denzitati d'abbitazzioni fa 1.074 abbitanti pi chilòmitru quadratu. Si nni acchiana nta na zona di coddi costali e posta a 302 metri supra lu liveddu di lu mari.
È nu granni centru d’agricultura, famusu pi la ricca pruduzzioni di citrati, olivi, e frutta. Pruduci l’òttimi racina e duranti lu misi d’augustu si poti tastari li prudotti nna l’annuali Mostra di li vini tìpici siciliani. Assai sviluppatu è la criscenza di vacchi e cavaddi. Na specialitati di l’artiggiani locali è la fabbricazzioni di li famusi “Carretti Siciliani” e di li “Sponde” cu vignetti di li battagghi e li successi di li paladini francisi.
Lu nomu Aci Sant’Antoniu veni di l’antica Chiesa ca nun cc’è cchiù, dedicata a lu santu di lu stissu nomu. Lu primu centru nascìu duranti l’èbbica mediuevali. Fu distruttu di li ciumara làvichi di lu Muncibeddu nna li 1169, 1329, e 1408. Fu rifabbricatu adaciu adaciu e fu tenutu prima di li nòbbili Platamonte, e tannu di la famigghia Moncada. Lu propiu centru d’abbitazzioni vinni funnatu nna lu 1672 tra la voluntati di lu prìncipi Luigi Riggio. Lu burgu fu danniggiatu arreri di nu terrimotu nna lu 1693 e soffrìu di n’autru lentu rinascimentu.
Cc’è qualchi monumentu nta lu cumuni, lu Duomo rifabbricatu doppu lu 1693 cu na facciata di stilu baroccu, e la Chiesa di San Michele quali cunzerva diversi òperi di l’artista Vasta (1697-1760). Lu Palazzo Riggio e lu Palazzo Spitaleri, tutti dui fabbricati nna lu 1700, sunnu di notàbbili ntiressi architettònici.
Tra li pirunaggi distinti santantonisi è lu mèdicu Antonio Musumeci (1876-1964) cui ricivìu e detti assistenza a li vìttimi nna lu terrimotu di lu 1908 nta la vicina Missina.