Accadèmia Giuènia di Scienzi Naturali
L'Accadèmia Giuènia (o Accademia Gioenia 'n talianu) vinni funnata a Catania ntô 1824 di nu gruppu di studiusi ca purtaru avanti nu pruggettu c'avìa statu dû granni naturalista catanisi Giuseppi Gioeni d'Angiò (Catania 1747 - 1822).
Li finalitati stituzziunali di l'Accàdemia, muntuati ntô primu artìculu di tutti li virsioni ca cû passari dô tempu s'hannu succiduti, sunnu "la prumozzioni di li studi sùpira li finòmini naturali, cu spiciali attinzioni a chiddi ca arriguàrdanu a la Sicilia, cu lu scopu di cuntribbuiri a lu prugressu di li scenzi."
Li chiossai dî Soci hà statu sempri furmata di studiusi già mpignati nta l'attivitati stituzziunali di l'Universitati. Lu rolu di l'Accàdemia si diffirisci pirò di chiddu di l'Universitati pri tanti mutivi e spiciarmenti pi lu ntiressi scintìficu e spicìficu sùpira la Sicilia, ntigratu cu la ntinzioni di prumòviri lu prugressu di li scenzi, e pri la diversa autunumìa di la nizziativa, n'òrdini a la diffusioni di la cultura scintìfica e a l'adiguamentu dê rapporti tra l'evuluzzioni di la scenza e chidda di la sucitati.
Ntô giugnettu dû 1997 l'Accadèmia Giuènia trasìu a fari parti di lu "Reseau des Acadmies des Pays Mediterranéens" ca òpira sutta a l'èggida di l'UNESCO.