A la tàvula si mancia senza affruntu

Dâ Wikipedia, la nciclupidìa lìbbira.
Jump to navigation Jump to search

A la tàvula si mancia senza affruntu è nu pruverbiu di la tradizzioni linguìstica siciliana. Lu significatu di la sintenzia è: quannu è nvitatu a manciari unu nun s'hà affruntari, cui ti voli a lu sò cantu è pirchì ti porta rispettu e siddu provi affruntu veni pigghiatu comu n'armali, oppuru ppi nu schifiusu ca nun teni rispettu.

Citazzioni[cancia | cancia la surgenti]

Lu pruverbiu è citatu e spigatu nti la Raccolta di proverbj siciliani ridutti in canzuni di l'abbati Santu Rapisarda.

«  Si a pranzu si nvitatu, e tu fratantu
non mangi, pri russuri ntra ddu puntu,
li stissi amici ca ti sunnu a cantu
dirannu: st'animali unn'è ca è juntu?
Né d'un omu educatu avrai lu vantu,
né ti purrai chiamari omu di cuntu,
pirchì aju ntisu diri, e ti lu cantu,
ch'a tàvula si mangia senza affruntu. »
( Raccolta di proverbj siciliani ridutti in canzuni )


Vuci cunzigghiati[cancia | cancia la surgenti]