A cavaddu datu nun circari sedda

A cavaddu datu nun circari sedda è nu pruverbiu di la tradizzioni linguìstica siciliana. Lu significatu di la sintenzia è: zoccu è rialatu è vadagnatu e nun s'hà circari cchiossai di quantu è datu.

Lu pruverbiu havi na simigghianza ccu chiddu di la tradizzioni taliana ca dici: A caval donato non guardare in bocca ("A cavaddu rialatu nun taliari 'n vucca").

Citazzioni

Lu pruverbiu è citatu e spigatu la Raccolta di proverbj siciliani ridutti in canzuni di l'abbati Santu Rapisarda.

	«  Non guardari si è grassa o maurulidda quannu t'è rigalata na purcedda, anzi ringrazia la binigna stidda, e curri prestu ccu la curdicedda; non guardari s'è simula o pupidda, quannu ti veni data na vastedda, nsumma si non hai testa picciridda, cavaddu datu, non circari sedda.  »
	( Raccolta di proverbj siciliani ridutti in canzuni )

Vuci cunzigghiati

• Pruverbi siciliani, nu veru granni alencu di pruverbi di la Sicilia.