AIESEC

Sta pàggina è òrfana, zzuè nun àvi lijami a tràsiri.

Pi favuri, agghiunci na lijami a sta pàggina e scancella st'abbisu.
Pâ lista cumpleta dî pàggini òrfani, vidi a pàggina dâ catigurìa.

AIESEC (n orìggini, acrònimu pi Association Internationale des Etudiants en Sciences Economiques et Commerciales zoè Assuciazzioni Nternazziunali dî Studenti di Scienzi Econòmichi e Cummirciali) è n'assuciazzioni studintisca, senza fini di guadagnu, nnipinnenti, apartìtica, apulìtica. AIESEC, cu la sò prisenza nta 100 paisi dû munnu, è l’assuciazzioni studintisca cchiù granni ô munnu, nu network cu cchiù di 23.000 studenti ca vennu di cchiù di 1100 univirsitati.

Storia

Doppu la Secunna Guerra Munniali, ntô 1948, arcuni studenti di 6 nazzioni si ncuntraru a Lieggi, ntô Belgiu, cu la ntinzioni di prumòviri na forma di cuupirazzioni nternazziunali nova. Nta dd'accasioni funnaru l'Association Internationale des Etudiants en Sciences Economiques (AIESE). Lu scopu di l'assuciazzioni era ristabbiliri, tra li studenti di tuttu lu munnu, li rapporti danniati dâ guerra.

Jaroslav Zich, studenti dâ Ripùbbrica Ceca, fu eliggiutu primu prisidenti. Lu quarteri ginirali di l'assuciazzioni era situatu ntâ citati di Praga, ntâ Cecusluvacchia vecchia; ma quannu li cumunisti pigghiaru lu putiri, ci vosi canciari sedi p’arristari puliticamenti niutrali tra li dui blocchi contrapposti. Vinni dunca scigghiuta Bruxelles ntô Belgiu e cchiù tardu, versu la fini di l’anni Nuvanta, Rotterdam, ntê Paisi Vasci, unni s’attrova ancora oi.

Ntô 949 si tinni nu secunnu cungressu a Stoccolma. Ci participaru rapprisintanti di setti nazzioni: Belgiu, Danimarca, Finlannia, Francia, Paisi Vasci, Nurveggia e Svezzia. Li rapprisintanti firmaru l'attu custitutivu di l'assuciazzioni. Lu nomu fu canciatu tanticchedda n Association Internationale des Etudiants en Sciences Economiques et Commerciales (AIESEC).

Oi dû nomu arristau sulu l’acrònimu AIESEC, datu ca tanti dî studenti mèmmira nun vennu cchiù di facurtati di Econumìa e Cummerciu.

Finalitati

AIESEC voli cuntribbuiri ô sviluppu dî Paisi ntê quali òpira cu nu mpegnu supremu pi la cuupirazzioni e la cumprinzioni nternazziunali. Lu prugramma càrdini attraversu lu quali si svilùppanu li scopi di l'assuciazzioni sunnu li Scanci Nternazziunali (eXchanges) ca dùnanu la pussibbilitati a li studenti di campari a l'èstiru, travagghiannu nta azzienni e urganizzazzioni ca cullàbburanu cu l'assuciazzioni.

A ogni mèmmiru, nortri, l'assuciazzioni offri nu pircursu strutturatu d’apprinnimentu attraversu lu quali ognidunu pò accanzari abbilitati quali teamwork, time management, sviluppu dâ leadership, urganizzazzioni d’avvinimenti, gistioni cuntàbbili.

AIESEC nortri, cu la sò attinzioni ê timàtichi di rilivanza lucali e glubbali (comu la rispunzabbilitati suciali di mprisa, la mprinniturialitati, la sustinibbilitati), voli cullijari lu munnu dî studenti â rialtati azziennali e â cumunitati. St'annu p’asempiu tanti nizziativi sunnu purtati avanti ntô tema dâ mprinniturialitati e dî mircati emirgenti.

Urganizzazzioni

AIESEC è urganizzata secunnu na struttura a tri liveddi.

Quarteri Ginirali, cu sedi a Rotterdam.
- Cumitatu Nazziunali (Member Committee, MC), nta ogniduna dî nazzioni ntê quali AIESEC è prisenti (Francia, Sluvenia, Italia, ecc.).
  - Cumitatu Lucali (Local Committee, LC), c’appoja li sò attivitati a n’univirsitati.

AIESEC n Sicillia

L'urganizzazzioni è prisenti attraversu li sò cumitati lucali di l’univirsitati di Catania e di Palermu.

Lijami di fora