Wikipedia

Dâ Wikipedia, la nciclupidìa lìbbira.

Wikipedia (Vichipedia, scrivennu â siciliana) è na nciclupidìa lìbbira, scrivura nta tanti lingui e funziona senza scopu di lucru.

Storia

Fu criata ntô jinnaru dû 2001 ntâ lingua ngrisa, a sìquitu di cuntatti tra Larry Sanger e Ben Kovitz, e videmma grazzî ô mpegnu di Jimmy Wales, chi mittìu a dispusizzioni li server nicissari pî spirimenti.

Wikipedia usa software lìbbiru, zoè spiratu dî riflissioni di Richard Stallman, funnaturi dâ Free Software Foundation, lu quali fu prubbabbilmenti lu primu a tiurizzari l'esiggenza d'aviri macari nu nciclupidìa cumpritamenti lìbbira[1].

Storia di scn.wiki

Scn.wiki nascìu ntâ secunna mitati dû uttuvìru 2004[2] chî nizziatura dû forum a linguasiciliana.org[3].

Scn.Wiki veni uspitata supra lu stissu server di l'àutri wikipedî.

La virsioni siciliana di Wikipedia, chi stai liggennu accamora, è supranumminata scn.wiki.

Unn'è Wikipedia?

Li server di wikipedia sunnu abbastanti nichi: na dicina di computer (dui database e quarchi server web), ca s'attròvanu nta na stanza c'òspita li server di Bomis.com.
Lu pruggettu veni finanziatu principalmenti di na pirsuna, cchiù li dunazzioni vuluntarî, avìa esattamenti n'addipinnenti pû primu annu (e doppu nuddu), e li server sunnu gistuti di na pirsuna part-time, puru chista supra la basa vuluntaria.

Comu si prununza Wikipedia

Nun asisti na prununza ufficiali, ma quarchi pussibbilitati sunnu:

  • uichipìdia
  • uichipidìa
  • uichipèdia

Cirtamenti, usamu «nciclupidìa» ntâ Wikipedia siciliana.

Lijami nterni

Nuti

  1. ^ GNU: Free Encyclopedia
  2. ^ Wiki Statistic
  3. ^ Forum Yahoo