Vitti na crozza

Vitti na crozza è una dî cchiù famusi canzuni pupulari siciliani. Ci sunnu tanti virsioni:

Virsioni 1

Vitti na crozza supra nu cannuni

fui curiusu e ci vossi spiari

idda m'arrispunnìu cu gran duluri

murivu senza toccu di campani.

Si nni jeru, si nni eru li mè anni

si nni jeru si nni jeru nun sacciu unni

ora ca sugnu vecchiu di uttant'anni

chiamu la morti e idda m'arrispunni.

cunzàtimi cunzàtimi lu me lettu

ca di li vermi sugnu mangiatu tuttu

si nun lu scuntu cca lu me piccatu

lu scuntu a l'àutra vita a chiantu ruttu

c'è nu giardinu ammezzu di lu mari

tuttu ntissutu di aranci e ciuri

tutti l'aceddi ci vannu a cantari

puru li sireni ci fannu all'amuri

Virsioni 2

Vitti na crozza supra lu cannuni

fui curiusu e ci vosi spiari

idda m'arrispunnìu cu gran duluri

murivi senza toccu di campani.

Si ni jeru, si nni jeru li mè anni

si ni jeru si nni jeru nun sacciu unni

ora ca sù arrivatu uttant'anni

lu vivu chiama e la morti arrispunni.

Cunzàtimi, cunzàtimi stu lettu

ca di li vermi fui mangiatu tuttu,

su non lu scuntu ca lu me difettu

lu scuntu a belle vita a sangu ruttu.

Chista è la versioni ca fu cantata ntô film " Il cammino della speranza " di Pietro Germi ndô 1950 e l'auturi fu Francu Li Causi di Girgenti.

Virsioni cchiù famusi

Li virsioni cchiù famusi sunnu chidda di Rosa Balistreri (senza lu "riturnellu", ntrodottu sulu 'n picca virsioni), chidda sulu tambureddu e dui vuci di Arfiu Anticu e chidda, 'n modu minuri e cchiù attinenti ô testu, di Carlu Muratori.

Certi versi foru misi sulu dopu l'anni '60, quannu stu cantu di morti fu dipusitatu a s.i.a.e. comu n'allegra polca cû carattirìsticu riturnellu chi però non havi pricidenti ntê virsioni cchiù tradizziunali