Univirsitati Autònuma di Barcillona

Dâ Wikipedia, la nciclupidìa lìbbira.
Li culonni di la Univirsitati Autònuma di Barcillona, munumentu univirsitariu

L'Univirsitati Autònuma di Barcillona ('n catalanu Universitat Autònoma de Barcelona o accurzatu UAB) è na univirsitati pùbbrica spagnola funnata nti lu 1968 e ca havi sedi a Barcillona. La UAB è na stituzzioni univirsitaria di granni di liveddu ppi la ricerca, grazzi a li sò assai e avanzati centri ca havi, e nti l'urganizzazzioni didàttica.

Storia[cancia | cancia la surgenti]

L'urìggini di lu sò nomu addiveni di la Sicunna Ripùbbrica Spagnola, quannu l'Univirsitati di Barcillona, vulennu addupirari di la liggi di l'autunumìa univirsitaria, vosi canciari lu sò nomu ccu chiddu ca havi ora, macari ppi pigghiari di novu lu spìritu di la libbirtati e di la dimucrazzìa ca cc'era a Barcillona prima di la Verra Civili Spagnola, ma ppi curpa di la Verra e di la riprissioni di Francisco Franco nun si potti rializzari nenti.

L'Univirsitati Autònuma di Barcillona vinni, dunca, funnata 'n manera ufficiali lu 6 di giugnu di lu 1968. Ccu la cascata di la dittatura di Franco nti lu 1976, l'Univirsitati Autònuma fici nu pianu ppi la criazzioni di nu mudellu di univirsitati dimucràtica e lìbbira, canusciutu comu lu "Manifestu di Bellaterra" e dui annu cchiù tardu, ccu l'appruvazzioni di lu Statutu d'Autunumìa di la Catalugna, la UAB passau sutta l'amministrazzioni di la Generalitat de Catalunya.

Nti lu pirìudu ntra lu 1985 e lu 1992 l'Univirsitati fu suttamisa a nu granni prucessu di riforma e foru custrujutu assai edificii: lu centru abbitativu custrujutu ppi l'atleti di l'Olimpiadi di lu '92 vinni misu a disposizzioni di li studenti di la UAB e oi è la risidenza univirsitaria annincata comu Villa Universitaria.

Liami Esterni[cancia | cancia la surgenti]

Situ Ufficiali di la Univirsitati Autònuma di Barcillona