Testa

Dâ Wikipedia, la nciclupidìa lìbbira.

La testa è la purziuni supiriuri dû corpu dî virtibbrati cullicatu a iddu tramiti lu coddu.
'N particulari, nta l'omu, ndica la parti supiriuri dû craniu, chidda ricuperta dî capiddi.

Figurativamenti, testa, ndica lu nizziu di na fila, di nu schiramentu o simili, e essiri misu â testa di quarcunu o quarcosa, significa essirinni misu ô cumannu.

L'etimoluggia dâ palora diriva dû latinu testa ca ndicava, 'n uriggini, un vasu di terracotta, passatu appoi a ndicari succissivamenti lu craniu.

Anatumia[cancia | cancia la surgenti]

Anatumia umana[cancia | cancia la surgenti]

La testa si distinqui 'n na parti supiriuri o craniu e na parti nfiriuri e antiriuri o facci; s'articola supra la culonna virtibbrali midianti la prima virtibbra (atlanti) cu cui si sposta sulidarmenti quannu lu capu veni giriatu.

Cû tèrmini di testa, veni macàri difinuta la parti estrema di l'ossa longhi.

Jocura[cancia | cancia la surgenti]

Testa o cruci: jocu ca cunsisti ntô jittari nta l'aria na munita, doppu aviri scummisu supra quali dî dui facci va a èssiri visìbbili doppu la caduta.

Miccanica[cancia | cancia la surgenti]

'N un muturi ennutirmicu, la testa è lu cuverchiu ca nchiudi la parti supiriuri dûn cilintru, ricchiudi la cammara di cummustioni, susteni l'urgani di distribuzzioni e a li voti l'arvulu a uviti.

Sport[cancia | cancia la surgenti]

Ntê corsi ippichi, ndica la distanza tra dui cuncurrenti a l'arrivu (Asempiu: vincituri pi na testa).

Testa di serii: la squatra o, chiù cumunimenti l'atleta, cunzidirati tra li megghi, e ca, pi stu mutivu, vannu a aviri un trattamentu favurevuli ntâ gistioni dî giruna eliminatura o nta l'assignazzioni di corsii di gara o nta l'urdini d'ammissioni â stissa.

Ticnoluggia/Tecnoluggia[cancia | cancia la surgenti]

Testa opiratrici: urganu fissatu riggitamenti ô vancu dû torniu, custituutu di na buatta a tinuta d'ogghiu, cuntinenti lu mantrinu.
Ntâ testa opiratrici sunnu macàri cullucati ginirarmenti, li miccanismi di variazzioni di vilocitati dû mantrinu e di riduzzioni, mentri a l'esternu sunnu disposti le levi di cumannu dû canciu.
Li testi opiratrici ponnu essiri muntanti supra appusiti basamenti a custituiri li machini cumminati a stazzioni multipli pi lavurazzioni spiciali di serii.

Etnoluggia[cancia | cancia la surgenti]

Cacciatura di testi: pòpuli primitivi ca praticàvanu o pràticanu l'usanza di mpiegari li testi dî nimici, dibbitamenti mummificati, pi trufei o sìmmuli prupizziatura. La caccia dî testi fu praticata 'n varii parti dû munnu, 'n particulari 'n Malesia, Milanesia e Merica miridiunali. Li ndiani Jivarosuddamèrica, livàvanu la parti òssea e nni riducìanu li diminsioni midianti lu caluri.


Midicina
Caduceo.gif Tutti l'artìculi di Midicina | Tutti li Malatìi | Spicialità Mèdichi

Fonti[cancia | cancia la surgenti]

La fonti di st'articulu è Uicchipidia Taliana :

http://it.wikipedia.org/wiki/Testa