Termudinàmica

Dâ Wikipedia, la nciclupidìa lìbbira.

La termudinàmica e dda parti dâ fìsica chi si ntiressa di sturiari lu scanciu tra caluri e travagghiu e lu cuntrariu. Lu primu principiu dâ termudinàmica dici ca caluri e travagghiu si ponnu scanciari l'unu cu l'àutru.

Si pinzamu a un'unitati di caluri chista pò èssiri trasfurmata nt'un certu nùmmuru di unitati di travagghiu e si veni a numinari comu iquivalenti miccànicu dû caluri e è ndicatu ca littra "E". La stissa manera un unitati di travagghiu pò èssiri trasfurmata nt'un certu nùmmuru di unitati di caluri e si chiama equivalenti tèrmicu dû travagghiu e è ndicatu câ littra "A". Siddu l'unitati dû travagghiu è lu Joule e l'unitati dû caluri è la caluria allura E=4,186 joule/cal.