Prudottu Nternu Lordu

Dâ Wikipedia, la nciclupidìa lìbbira.

Nta l'Econumìa, lu prudottu nternu lordu ca ntâ lingua ngrisa si chiama gross domestic product e n'italianu abbriviatu cu l'acronimu PIL eni quantu nu locu pruduci nta nu certu pirìudu di tempu. Pi li nazzioni, lu PNL pò ssiri truvatu juncennu chiddu ca nesci a l'esternu di ddu paisi. Pi sapiri lu PNL di nu paisi, unu avissi a jùnciri assemi chiddu ca spenni lu cunzumaturi, li spisi di nvistimenti, li spisi dû cuvernu e lu valuri di li spurtazzioni. Di stu valuri unu ci avissi poi a luvari li mpurtazzioni. Sta misura eni spissu usata pi capiri la saluti di nu paisi nta tèrmini ecunòmici. Nta àutri paroli, di nu paisi cu nu PNL iàutu si pò diri ca ci havi na forti econumìa.

N ginirali lu PIL e li sò canciamenti pircintuali trimistrali o annuali è nu nnicaturi mpurtanti pi quantu riguiarda la cunciuntura ecunòmica. Li canciamenti pircintuali pusitivi dû PIL significanu criscita, na mentri ca nu canciamentu pircintuali nigativu è sinonimu di ricissioni.