Partitu Nnipinnintista Porturicanu

Dâ Wikipedia, la nciclupidìa lìbbira.
A bannera dû Partitu Nnipinnintista Porturicanu (PIP)

Lu Partitu Nnipinnintista Porturicanu (ngrisi: Puerto Rican Independence Party; spagnolu: Partido Independentista Puertorriqueño, o PIP) è nu partitu pulìticu porturicanu chi si àggita pâ nnipinnenza di Portu Ricu, na culonia dî Stati Uniti. È unu dî tri partiti pulìtici principali 'n Portu Ricu e lu secunnu cchiù anticu tra tutti li partiti riggistrati.

Chiddi chi cci nni vannu d'appressu vennu chiamati li nnipinnintisti o li pipiolos. Ntrâ sfera anglu-sassuni vennu canusciuti simpricimenti comu l'attivisti pro-nnipinnenza.

Storia[cancia | cancia la surgenti]

Stu partitu vinni funnatu lu 20 di uttùviru 1946 a Bayamón, doppu ca lu Partitu Pupulari Dimucràticu abbannunau la nnipennenza comu na prifirenza pulìtica. Lu funnaturi dû PIP fu Gilberto Concepcion de Gracia. Attualmenti lu prisidenti dû partitu è Rubén Berríos.

Sustegnu ntirnazziunali[cancia | cancia la surgenti]

Lu PIP ricevi largu sustegnu murali dâ parti d'organizzazzioni ntirnazziunali e di pirsunaggi cèlibbri. P'asempiu, la Ntirnazziunali sucialista (la cchiù granni organizzazzioni di partiti pulìtici dû munnu), ntra cui vèninu cuntinuti li quìnnici partiti pulìtici attualmenti 'n càrrica nna l'Amèrica latina (macari Cubba) e lu Prisidenti di Panamà, Martín Torrijos. Di cchiù attruvamu vari scrittura e artisti assai canusciuti pi tuttu lu munnu.

Sìmmulu dû partitu[cancia | cancia la surgenti]

Lu sìmmulu di PIP si tratta di na bannera virdi cu na cruci janca. Lu pòpulu canusci lu PIP comu lu partitu virdi (chiuttostu pi stu sìmmulu ca lu senzu ecològgicu).

Ô PIP, lu virdi rapprisenta la spiranza dâ libbirtati, e la cruci janca rapprisenta lu sacrifizziu e lu mpegnu dû partitu e li soi soci, luttannu pâ nnipinnenza.

Nuti[cancia | cancia la surgenti]