Parrucchettu dâ Carulina

Artìculu n vitrina
Dâ Wikipedia, la nciclupidìa lìbbira.
Parrucchetti dâ Carulina

Lu parrucchettu dâ Carulina (nomu scientificu Conuropsis carolinensis) era l'ùnica speci di pappajaddu di l'Amèrica sittintriunali, estintu ntô vintèsimu sèculu.

Carattirìstichi[cancia | cancia la surgenti]

La sò lunghìzza supirava di tanticchia li 30cm, li sò pinni tinnivanu ô verdi e ô giallu, mentri parti di la testa era aranciuni.

Di stu pappagallu esistivanu dui formi diversi:

  • Conuropsis carolinensis carolinensis, ca viviva ntî reggiòni urintali dî Stati Uniti;
  • C. carolinensis ludovicianus ca viviva ntî riggiòni uccidintali e ntô centru.

Si nutriva di semi, bacchi, frutti e gemmi. Rilivanti eranu li danni ca facivanu sti pappajàddi a li frutteti dî colòni. Faciva da 3 a 6 òva e campava cchiù o menu 35 anni.

Storia[cancia | cancia la surgenti]

Diffusu finu a l'inìzi dû 1800, ntô 1832 l'urnitòlugu J. Audubon s'accurgìu di na diminuzziòni di la pupulazzioni. Appoi s'arrivà finu a lu 1850 unni vinivanu cunsidirati rari. L'ùrtimu parrucchettu dâ Carulina, n cattivitati ntô Zoo di Cincinnati, murìu lu 21 di frivaru 1918. N'artìculu ci fu didicàtu dô Cincinnati Times-Star: si trattava di nu màsculu Incas, supravvissutu â fìmmina Lady Jane.

Ntâ primavera1926, C. E. Doe, nu cunsirvaturi di acedda di la Universitati di la Flòrida, scuprìù tri parrucchètti a Kissimee, ntâ cuntea di Okeechobee, ni Flòrida. Ìddu idintificà l'accedda cumu parrucchetti dâ Carulina. Accuminzà allora fra li urnitòlugi amiricani na viulenta cuntruvirsìa, pirchí nun ci cridivianu. Si cunta ca na picca d'isimplari supravvìssiru finu a lu 1938.


Wikimedaglia
Wikimedaglia
Chista è na vuci nzirita nni l'artìculu n vitrina, zoè una dî mègghiu vuci criati dâ cumunità.
Fu arricanusciuta lu 10 di dicèmmiru 2009

S'hai traduciutu n'artìculu o hai criatu na vuci e riteni ca sia lu casu di fàrila canùsciri picchì è cumpreta n tuttu, signàlila. Naturalmenti, sunnu boni accittati suggirimenti e canciamenti chi mìgghiùranu lu travagghiu.

Signala na vuci          Archiviu         Talìa tutti l'articuli n vitrina