Template:Pàggina principali/Versu nostru

Di li puisìì di Lina La Mattina

ISULA

Isula nascivu, isula vogghiu moriri.

Isula comu mi fici lu Signuri

cu li turmenti e li dulura

ma sempri abbrazzata a lu mari

e figghia pridiletta di lu suli.

Bedda tra li beddi sugnu

'nghirlannata stati e mmernu di ciuri.

Curtigghiara, baggiana, ciaurusa

mi vestu di milli culura

e cu sta peddi di meli e di rosi

attiru lapuna d'ogni razza e paisi.

... leggi tuttu l'artìculu.