Mercuriu (elementu chìmicu)
Lu mercuriu è n'elementu chìmicu dâ catigurìa dî metalli. L`àtomu di mercuriu si cumponi di 80 protoni e 121 neutroni. Lu sìmmulu chìmicu è Hg.
A timpiratura ambienti, lu mercuriu è ô statu lìquidu, e grazzi ê sò pruprietà di dilatazzioni ô caluri una di l'applicazzioni principali è chidda di cumpunenti principali dî tirmòmitri.
Comu risìduu nnustriali, lu mercuriu è na scoria assai tòssica, e ntô munnu s'arriggistraru diversi casi di nquinamentu di mercuriu supratuttu ntê ciuma e ntê lachi vicinu â nstallazzioni nnustriali disueti.