Lingua ciuvascia

Dâ Wikipedia, la nciclupidìa lìbbira.

Lu ciuvasciu (nomu nativu Чӑваш чӗлхи Čövaš čəlχi) jè na lingua turca parrata a uccidenti di l’Urali ntâ Russia cintrali. Jè la lingua nativa dî Ciuvasci e una di li lingui ufficiali dâ Ciuvascia; havi circa dui milioni di parranti.

Ppâ scrittura du ciuvasciu si usa l'alfabetu cirillicu, juncennucci ê littri usati pô russu autri quattru littri: Ӑӑ, Ӗӗ, Ҫҫ, Ӳӳ.

Storia[cancia | cancia la surgenti]

Lu ciuvasciu è la cchiù divirgenti di tutti li lingui turchi e cchiossai di tutti manca di ntilligibbilità cu l’autri. La lingua matri ca l'urigginau, parlata ri Bulgari du Volga ntô medioevu, diffirisci di tutti li autri lingui turchi n manera tantu forti ca solitamenti è classificata cumu lingua sora du prototurcu chiuttostu ca cumu lingua figghia.

N passatu, li studiusi cunsidiravanu lu ciuvasciu nun propriu na lingua turca, ma cchiutostu l'urtima supravvissuta di na suddivisione siparata di lingui altaichi prubabirmenti parrata di l’Unni.

Ci sunu du’ dialetti dû ciuvasciu: lu Virjal o supiriuri e l'Anatri o nfiriuri; la lingua littiraria è basata supra lu dialettu nfiriuri. Sia li lingui ungaru-finniche ca lu tataru nfluinzaru lu ciuvasciu, e lu sò lessico ncludi paroli russi, mari, mongoli, arabbi e pirsiani.

Alfabetu ciuvasciu modernu[cancia | cancia la surgenti]

Maiusculi: А Ӑ ӐI Б В Г Д Дж Е Ё Ӗ Ж З И Й К Л М Н О П Р С Ҫ ҪI Т У Ӳ Ф Х Ц Ч Ш Щ Ъ Ы Ь Э Ю Я
Minusculi: а ӑ ӑI б в г д дж е ё ӗ ж з и й к л м н о п р с ҫ ҫI т у ӳ ф х ц ч ш щ ъ ы ь э ю я I