Jean Baudrillard
Di Wikipedia, la nciclupidìa lìbbira.
Jean Baudrillard (29 giugnettu, 1929 – 6 Marzu, 2007) a statu nu tioricu culturali, socioluggu, filosufu, cummintaturi puliticu e futografu.
Lu so travagghiu eni assuciatu ccu lu postmodernimsu e lu post-strutturalismu.
[cancia] Vita
Baudrillard nascìu a Reims, Francia di lu nord-est. Addichiarau ca li sa nanni erunu cuntadina e li so ginitura sirbituri civili.
Addivintau lu primu di la so famigghia a trasiri 'nta l'univirsitati quannu si trasfiriu a di la Sorbona di Pariggi [1].
Duocu sturiau tidescu, ca lu purtau a accuminzari a 'nzignari a materia nta nu liceu di pruvincia unni arristau di lu 1958 finu a lu 1966.
Mentri 'nzignava Baudrillard accuminzau a pubbricari testa di littiratura e travagghi di autura comu a Peter Weiss, Bertolt Brecht.
Versu a fini di la so carriera d'anzignamentu di tidescu Baudrillard accuminzaru a 'ntirissarisi di socioluggìa, e nto stiessu tiempu cumpritau a so tisi di dutturatu cu lu titulu Le Système des objets (Lu sistema di l'uggetta) sutta a supirvisioni di Henri Lefebvre.
Duoppu accuminzau a 'nzignari sta materia a l'univirsitati pariggina di Paris-X Nanterre, ca a ddi tiempa era n'istituzzioni pulitica radicali ca fu prufundamenti intirissata a l'avvenimenta di lu maggiu 1968.
A Nanterre ci resiru na pusizzioni di Maîstru Assistenti (Assistenti Prufissuri), e duoppu Maîstru di li Cunfirenzi (Prufissuri Assuciatu), ppi puoi addivintari prufissuri.
[cancia] Intruduzzioni a lu so travagghiu
Baudrillard a statu nu tioricu e criticu suciali canusciutu ppi li manèri di mediazzioni da cumunicazzioni ticnuloggìca.
Li so scritta, sibbeni sunu intirissati a manera lu prugressu ticnuloggìcu infruenza li canciamenti suciali, coprunu diversi suggetta — di lu cunsumismu a li rilazzioni sissuala a a cumprinzioni suciali da storia a li cummenta giurnalistica supra l'AIDS, a clunazzioni, e prubblimatica di Salman Rushdie, a prima Verra di lu Golfu e l'attacca supra a lu World Trade Center a Nova Yorki.
A pubbricazzioni di li so travagghi parissiru fari parti di na ginirazzioni di filosufa comu a Gilles Deleuze, Jean-Francois Lyotard, Michel Foucault, Jacques Derrida e Jacques Lacan ca si spartierru n'intiresti pa semiotica e eni vistu alli voti comu parti di li filosufa da scola poststrutturalista[2].
In cumuni cu na puoca di poststrutturalisti li so argumentazzioni si fucalizzanu supra a nozzioni ca lu significatu e lu significanti sunu tutti rui cumprinzibbila in tiermini di comu palori particulari o "signa" intiraggisciunu.
Baudrillard pinzava, comu na puoca di post-strutturalista, ca a cumprinzioni veni viiculata ccu sistema di signa ca travagghianu assemi.
Siguennu lu linguista strutturalista Ferdinand de Saussure, Baudrillard addicchiarau ca ppi iddu lu significatu eni basatu supra a na mancanza (picciò "arviru" stapi a significari "arviru" no ppi cchiddu ca a palora dici, ma ppi chiddu ca a palora nun dici comu ppa isempiu say: "pisci", "stidda", "suli" ecc.).
In fatti, iddu virìa lu significatu moltu autu-rifirinziali: uggetta, immaggini di uggetta, palori e signa sunu situata nta na riti di significata; lu significatu di n'uggettu eni sulu cumprinzibbili 'nta a so rilazzioni a lu significatu di autra uggetta, nta autri palori, lu pristiggiu di na cosa s'arrilazziona a vulgaritati di n'autra.
Partiennu di sta basi Baudrillard custruiu tiurii 'ntirissanti supra a sucitati umana basati supra stu tipu di autu-rifirinzialitati.
Li so immaggini da sucitati sunu sempri in cerca di nu senzu di significatu, o di na "cumprinzioni tutali" di lu munnu, ca pari ssiri cunzistitimenti inaffirrabbili.
In cuntrastu a li poststrutturalisti comu a Foucault, ppi lu quali li furmazziona di la canuscenza niesciunu fora comu risultatu di rilazzioni di putiri, Baudrillard sviluppau tiurii unni a ricerca iccissiva e infruttuosa pa canuscenza tutali porta inivitabbilmenti a na specie di dilusioni.
Ppi Baudrillard, lu suggettu (umanu) putissi circari di cumprenniri l'uggettu (non-umanu), ma picchini l'uggettu ppo ssiri cumpresu solu ppi chiddu ca significa (e picchini lu prucessu di significazzioni immidiatamenti sa rifiriri a na riti d'autri signa di lu quali eni distintu) chissu pari ca nun prudici mai li risultata disiddirati.
Lu suggettu, cchiu tostu, addiventasidottu (di lu latinu seducere puratu a n'autra banna) di l'uggettu.
Quinni iddu pinzava ca, in urtima analisi, na cumprinzioni tutali di li particulari da vita umana eni impussibbili, e quannu li pirsunu sunu sidotti a pinzari autru venunu purtati versu na virsioni "simulata" da rialitati o, ppi usari unu di li so nioluggisma, nta nu statu di "ipirrialitati".
Chissu nun voli significari ca lu munnu addiventa irriali, ma chiu tostu ca li sucitati cchiu viloci accumenzanu a purtari a rialitati nta na visioni d'assiemi ca si supponi cuirenti, lu cchiu instabbili pari sta visioni e lu cchiu instabbili e scannaliati sti sucitati addiventanu.
'Nta a so pubbricazzioni maggiuri finali in lingua angrisi L'Intilligenza di lu Diavulu prisenta lu fallimentu puliticu di chiddu ca addiscrivi comu "Rialitati Intigrali".
A rialitati, nta su senzu, "mori".
Parallilamenti, Baudrillard menti in ividenza ca l'iccessu di signali e significata nta lu tardu XX seculu da sucitati "glubbali" avi causatu (abbastanza paradussalmenti) na cancillazziuni di la rialitati.
'Nta stu munnu li utopii libbirali e marxista pari ca nun sunu cchiu cridutu o nun anu cchiu senzu.
Viviemu, dicìa, non 'nta nu "villaggiu glubbali" ppi utilizzari a frasi strummintata da bonarma canadisi di Marshall McLuhan, ma chiu tostu nta nu munnu ca si blocca di fronti a l'iventu cchiu nicu.
[cancia] Bibbliografìa
- ↑ Nicruloggiu in lingua angrisi supra lu quotiddianu "Guardian"
- ↑ Peter Pericles Trifonas, Barthes e l'Imperu di li Signa, Icon (2001)
