Jean-Marie Le Pen

Dâ Wikipedia, la nciclupidìa lìbbira.
Jean-Marie Le Pen a la "convention" prisidinziali dû Front National, lu 25 di frivaru2007 a Lille

Jean-Marie Le Pen (La Trinité-sur-Mer, 20 di giugnu 1928) è un puliticanti francisi. È lu prisidenti dû partitu di dritta Frunti Nazziunali.

Le Pen è famusu p'addumannari forti pulìtichi di raffurzamentu dâ legge, tra cui la rintroduzzioni dâ pena di morti, forti ristrizzioni supra la mmigrazzioni di paisi extraeuropei, ritiru dâ Francia, o maiuri nnipinnenza, di l'Unioni Europea. Hà prununzatu affirmazzioni cunzidirati razzisti e antisimiti ma, ricentimenti, hà statu custrittu a nun esprimìrisi 'n modu discutìbbili ntô pirìudu pri-elitturali.

S'hà cantidatu nta diversi elezzioni prisidinziali francisi, arrivannu a lu badduttaggiu nta l'elezzioni dû 2002, quannu sfidau l'attuali prisidenti Jacques Chirac. Nta l'elezzioni prisidinziali2007 hà uttinutu a lu primu turnu 3.824.258 voti (10,51%), vinennu esclusu dû succissivu badduttaggiu.[1]

Carrera pulìtica[cancia | cancia la surgenti]

  • A l'elezzioni prisidinziali dû 2002 ottinni lu 16,86% dî voti a lu primu turnu, abbastanti p'agghicari a lu badduttaggiu, grazzi a lu scarsu risurtatu dû cantidatu sucialista e Primu Ministru Lionel Jospin. Hà statu lu primu puliticanti francisi dâ dritta nun gollista a arrivari a lu badduttaggiu di l'elezzioni prisidinziali. L'avvinimentu hà causatu un granni muvimentu nta l'opinioni pùbbrica nazziunali e cchiù d'un miliuni di pirsuni pigghiau parti a manifistazzioni di chiazza contra l'idei di Le Pen.
  • Duranti la campagna pi l'elezzioni prisidinziali dû 2007 hà suscitatu scalpuri un manifestu dû sò partitu, nta cui è raffigurata na picciotta nordafricana ca nvita a vutari lu Front National (è a nutari comu Le Pen cogghi cunzenzi macari tra ex cumunisti e certi pòviri dâ pupulazzioni, tra cui macari mmigrati).

Noti[cancia | cancia la surgenti]

Funti: Ministeru dî Interni francisi

Culligamenti sterni[cancia | cancia la surgenti]


Erruri ntâ funzioni Cite Sù prisenti dê marcatura <ref> ma nun fu attruvatu nissunu marcaturi <references/>: $2