Granada

Dâ Wikipedia, la nciclupidìa lìbbira.
LocationGranada, Spain.png
L'Alhambra a Granada

Granada è na cità spagnola, capitali di la pruvincia omònima è parti di la cumunità autònuma d'Andalusia. Havi na pupulazzioni di 236.982 abbitanti è di 472.638 ntâ sò ària metropulitana. Nta la sò pruvincia s'attròvanu li muntagni di la Sierra Nevada. Pi sta cità ci pàssanu dù ciùmira: lu Darru e lu Genil.

Storia[cancia | cancia la surgenti]

Lu sò primu nomu era Elvira, ma l'àrabbi e li bèrbiri ntô VII sèculu d.C. la chiamaru Gharnāta. Ntô 1232 Muhammd ibn Yūsuf ibn Nāzar (o Nasr) fici partiri la sò dinastìa ditta "Nazarì". Nta stu pirìudu Granada addivintau una di li cità cchiù mpurtanti d'Europa cuntannu 50000 abbitanti. Era nu centru culturali cu nu saccu di scinzati, matimàtici, pueti e duttura. S'attruvàvanu macari assai òmini di liggi c'agguvirnàvanu tuttu lu regnu Andalusì. Stu sultanatu di Granada durau nzinu lu 2 di Jinnaru dû 1492 quannu l'àrabbi ci dèttiru li chiavi di la cità a li ré cattòlici Isabella di Castigghia e Firdinannu II d'Araguna versu la cità di Santa Fe, allatu di Granada.

L'Alhambra[cancia | cancia la surgenti]

Lu monumentu cchiù mpurtanti di Granada è l'Alhambra ca nun era àutru ca la risidenza di sti rè "Nazarì". Macari li rè cattòlici si mìsiru a campari nta l'Alhambra quannu cacciaru li turchi. Oi sta règgia è patrimoniu munniali di l'umanità e la vìsitanu genti di tuttu lu munnu. Chistu macari picchì lu pueta miricanu Washington Irving scrissi ntô sèculu XIX "Li cùntura di l'Alhambra" ca fu nu sucessu.

Pirsunaggi cèlibbri[cancia | cancia la surgenti]

Nta sta cità nascìu macari Federicu Garcia Lorca, pueta ammazzatu nta la guerra civili spagnola.

Festi[cancia | cancia la surgenti]

Li festi cchiù mpurtanti sù la Simana Santa, "li cruci" (ditti "las cruces" ntô spagnolu) ca sù lu 3 di maiu, lu Curpus Christi chi è lu fistinu ufficiali di la cità, e lu festinu di la patrona: la Madonna di l'Angustia lu 15 sittèmmiru.

Viditi puru[cancia | cancia la surgenti]