Girardu Sassu

Dâ Wikipedia, la nciclupidìa lìbbira.

Girardu Sassu (1040 circa - 3 di sittèmmiru 1120) fu lu funnaturi di l' "òrdini dê Cavaleri di San Giuvanni di Girusalemmi", canusciuti comu Cavaleri Uspitaleri.

Iddu nascìu pussibbirmenti a Amalfi, o stannu a àutri studiusi a Martigues 'n Pruvenza, mentri àutri ancora affìrmanu Chateau d'Avesnes n Hainaut. Comu surdatu oppuru comu cummircianti, truvau la sò strata a Girusalemmi, unni arristau pi diversu tempu nti nu spizziu pi aiutari chiddi ca vulìanu visitari li lochi santi dê Cristiani. Di sta stituzzioni Girardu addivinìu lu guardianu, o capu, nti na data nun succissiva ô 1110, ccà furmau l'Òrdini riliggiusi di San Giuvanni ca arricivìu lu ricanuscimentu dû papa Pasquali II ntô 1113, tràmiti la bulla Geraudo institutori ac praeposito Hirosolimitani Xenodochii. Chista vinni ricanusciuta e cunfirmata macari dû papa Callistu II picca tempu prima dâ morti di Girardu ntô 1120.