Frunti di Libbirazzioni Nazziunali Corsu
Di Wikipedia, la nciclupidìa lìbbira.
Lu Frunti di Libbirazzioni Nazziunali Corsu ('n Corsu Fronte di Liberazione Naziunale Corsu), puru canusciutu cu la sigla FLNC, è nu gruppu militanti ca addumanna nu Statu nnipinnenti pi la Còrsica e lu distaccu di l'ìsula dâ Francia.
L'FLNC nascìu di l'unioni di Ghjustizia Paolina e Fronte Paesanu Corsu di Liberazione.
Lu guvernu francisi giùdica lu FLNC n'organizzazzioni tirrurista.
Ntô passatu si riggistraru scontri assai viulenti ntra lu FLNC e àutri organizzazzioni nazziunalìstichi corsi, ca custaru la vita a tanti militanti. Ora nun succèdinu cchiù sti tipi d'episodi, pirchì li fazzioni armati rivali attruvaru n'accordu e lòttanu nzèmmula pi la nnipinnenza di la nazzioni corsa.
Lu FLNC è vicinu ô partitu pulìticu A Cuncolta Independentista ca cogghi cunzenzi tra la pupulazzioni tantu d'aviri na rapprisintanza eliggiuta a lu parramentu di l'ìsula.
A na cunfirenza stampa di l'11 di jinnaru dû 1996 tinuta ntô villaggiu corsu di Tralonca èrunu prisenti 600 militanti.
