Dioni (tirannu)

Dioni (Sarausa 408 - 354 a.C.) fu nu filosufu addivintatu tirannu di Sirausa e Gela dû 357 ô 354 a.C..

Biografìa

Figghiu di Ipparinu e cugnatu di Dionisiu lu vecchiu, Dioni canuscìu a Sarausa lu filòsufu Platuni. Circau di nfluinzari sò cugnatu e appoi lu siccissuri di sò cugnatu Dionisiu II chê sò idei, puru prufittannu ca era lu tuturi di Diunisiu II ca era troppu picciottu pi esircitari lu putiri. La sò nfulenza pirò nun appi assai sèquitu, pirchì ntô 366 Diunisiu dicidìu di esiliarlu a Ateni.

A Ateni, Dioni ancuntrau n'autra vota a Platuni e circau di farlu agiri comu ntirmidiariu pi farlu turnari a Sarausa. Platuni turanu a Sarausa pi addumannari la pirdunanza di Diunisiu II, ma Platuni si n'appi a ricogghiri senza risurtati.

N sèquitu a sta storia, Dioni arricugghiu n'esercitu di 1000 mircinari ca addivintaru 20000, arricrutati a Eraclea Minoa, a Akragas, a Casmeni, Kamarina, e cunvincennu puru surdati di pruvinenza sicula e sicana. Ntô 357 scunfiggìu Diunisiu. Ma lo sò regnu durau picca pirchì la sò tirannidi nun piacìa ô pòpulu e finìu ammazzatu di Callippu nu ginirali ateniesi ca l'avia accumpagnatu ntâ sò spidizzioni militari n Sicilia.