Difinistrazzioni di Praga

Dâ Wikipedia, la nciclupidìa lìbbira.

Cu lu nomi Difinistrazzioni di Praga si sientunu a ddiri du iventa nta storia dâ Boemia (Cicosluvacchia), ca succirierru rispittivamenti nta lu 1419 e nta lu 1618, e alli voti si sienti a ddiri macari unu cchiu ricenti nta lu 1948. Nta sti iventa, ca succirierru nta cittadi di Praga, una o cchiu pirsuni fuorru gghittati fuori di na finestra (cu difinistrazzioni s'intiennu appuntu ittari quarchi runu fori di na finestra). Li iventa cchiu antica cuntribuierru a inniscari verri luonchi a l'internu ddâ Boemia e nta autri bbanni, ma di li dui lu sicunnu eni chiddu chiu famosu, picchini tradizzionalmenti veni indicatu comu l'iventu inizziali di la Verra di li trint'anni. Uoggi, cu lu termini "Difinistrazzioni di Praga", s'antiendi nurmalmenti l'iventu di lu 1618.

Prima difinistrazzioni[cancia | cancia la surgenti]

A prima difinistrazzioni di Praga, appi luocu nta lu 30 di giugnettu di lu 1419. Sucessi ca fuorru mazzati sietti membra di lu cunsigghiu cittadinu ostili di parti di na folla di radicali cechi ciamati hussiti.
A lonca verra hussita scuppiauu subbitu duoppu e durau finu a lu 1436 (17 anni).

Particulari[cancia | cancia la surgenti]

Jan Želivský, nu parrinu hussita nta a cresia di la vergini di la nivi urganizzau na prucissioni di li propria fideli nta li strati di Praga fin a lu palazzu Novoměstská radnice, nta a piazza Carlu.
Sta manifestazzioni avia a rapprisintari nu signu di prutesta contra a lu rifiutu di parti di li membra di lu cunsigghiu di la cittati a nu scangiu di prigiunniera, intizu a libbirari di li hussiti ca erunu ciusi in galera.
Inoltri, a prucissioni era lu risultatu di lu criscenti malcuntntu causatu di l'inuguaglianza ntra li pusizziona nubbiliari e chiddi di la cresia.
Stu malcuntentu, cumbinatu cu nu criscenti nazziunalismu e aumentu d'influenza di li currenti raddicali, comu chidda guidata di lu stissu Jan Želivský, sa pigghiau ca curruzzioni di la cresia cattolica.

Duranti a prucissioni na petra fu ghittata di na finestra e pigghiau a Želivský [1].
Duoppu ca succiriu chissu, la fudda trasiu nta lu palazzu guidata di Jan Žižka.
Ca pigghiarru priciuniera nu iudici, nu borgumastru e autri membra di lu cunsigghiu pi nu tutali di sietti individua, ittannuli da finestra supra a strata, unni finierru mazzati di la fudda.[2] Siconnu alcuni, re Vincislau (Václav IV nta lu cecu), vinni a canuscenza di la nutizzia e fu tarmenti mprissiunatu ca morsi duoppu picca pi lu spavientu.[3]

Sicunna difinistrazzioni[cancia | cancia la surgenti]

A sicunna difinistrazzioni di Praga ciappi luocu lu 23 di maiu 1618: fu l'iventu scatinanti a verra di li Trint'Anni.
L'aristocrazzia buema era in subbugghiu duoppu l'ilizzioni di Firdinandu II, duca di Stiria e cattolicu pricisu, a suvranu di lu Regnu di Boemia, di populazzioni privalentimenti prutistanti.

Particulari[cancia | cancia la surgenti]

Cu l'ilizzioni di Firdinandu II a tulliranza ca s'avia mustrata finu a stu puntu virsu a li prutistanti fu misa in discussioni, e l'ordini di firmari a custruzzioni di alcuni cappelli prutistanti fu a scintilla ca fici accumninzari na rivuluzzioni.
Li rivultusa, sustiniennu ca li tirrina unni stapieunu custruiennu i cappelli eranu di lu re e non di la cresia cattolica, dinunciarunu a violazzioni di a littera di maestati, scrivuta di l'impiraturi Rodolfu II nta lu 1609, ca pirmittia a libbirtati di cultu.

A lu castieddu di Hradčany, notu macari comu Pražský hrad (ca vulissi diri "Castieddu di Praga"), lu 23 maiu 1618 na puocu di rapprisintanti di l'aristucrazzia, guidati di lu Conti Thurn, pigghiarru dui cuvirnaturi impiriali, Jaroslav Martinitz e Wilhelm Slavata, e i ghittarru fuori di li finestri di lu castieddu assemi a nu loru sigritariu, nu certu Philip Fabricius. Li sfurtunati attirarru supra nu cumulu di litami, Slavata persi i sienza, ma nudu di idda si fici mali viramenti [4].
Duoppu picca lu Fabricius fu numinatu nobbili di l'impiraturi cu lu titulu di von Hohenfall (littiralmenti chiddu ca cariu di l'autu).

A supravvivenza di li tri diligati impiriali fu vista, nta l'ambienta cattolica, comu na grazzia divina e lu signu ca a lotta cattolica era appruvata di Diu.

Autri difinistrazzioni[cancia | cancia la surgenti]

Nta a storia di Praga ci fuorru autri iventa simili, ca pirò nun sunu simpri ricurdati cu lu termini di difinistrazzioni.

Na difnistrazzioni ci appi luocu lu 24 di sittèmmiru 1483 (ca a facissi addivintari, cronoluggicamenti, a ssiri a sicunna difnistrazzioni) quannu li sciarri ntra li cuvirnatni nova e viecci di la cittati ficiru sietti morta, tutti ghittati di li finiestri di lu propriu palazzu di cuviernu.

A cusiddetta terza difinistrazzioni di Praga cuinciriu ca morti di Jan Masaryk, ministru di l'esteri cicosluvaccu, ca vinnni truvatu mortu sutta a finestra di lu bagnu di lu ministeru di l'esteri a Praga lu 10 di marzu 1948.
Masaryk era l'unicu ministru nun sucialista nta lu cuvernu, dominatu di li comunisti, ca s'avia custituitu nu misi prima.
Spiculazzioni supra a casua di la so morti cuntinuanu finu a oggi, macari si nun a statu truvata na prova contra ao a favuri di lu riggimi.
Ufficiarmenti lu casu venni riggistratu comu suicidiu.

N'ultimu casu s'appi quannu lu scritturi di nuvelli cecu Bohumil Hrabal muriu cariennu i na finestra nta lu 1997 apparientimenti circannu di dari a manciari a quarchi aucieddu, anchi si l'ipotesi di suicidiu eni chiu accittata.

Noti[cancia | cancia la surgenti]

  1. ^ Inciclupidia cattolica nta lingua angrisi
  2. ^ Catholic Encyclopedia
  3. ^ Catholic Encyclopedia
  4. ^ Cicely Veronica Vedgwood, A verra di li trint'anni, Milanu, Enricu Dall'Ogliu edituri, 1964, pag. 76 e 77 (nta l'idizziona urigginali: The Thirthy Years War, London, Jonathan Cape, tradotu di l'angrisi pi meritu di Antonio Cettuzzi)


Template:Portale