Deca pâ ntigrazzioni dî zìngari
La Deca pâ ntigrazzioni dî zìngari è na nizziativa di l'ottu paisi europei cintrali e dû sud-est p'ammigghiurari li cunnizzioni socio-ecunòmichi e la ntigrazzioni suciali dî zìngari pi tutta la riggiuni. Sta nizziativa vinni lanciata ntô 2005, e cuntinua finu ô 2015. Rapprisenta lu primu prucettu multinazziunali nta l'Europa cu l'obbiettivu d'ammigghiurari li cunnizzioni dî zìngari.
Li ottu paisi chi nni fannu parti cumprènninu: Bulgarìa, Croazzia, Ripùbblica Ceca, Unghirìa, Macidonia, Rumanìa, Serbia e Montenegru e Slovacchia. Tutti sti paisi hannu li cumunitati di zìngari abbastanti granni, ma ssennu na minuranza hannu sempri statu svantaggiati, sia econumicamenti sia sucialmenti.
Ntô 2005, li cuverni di ssi ottu paisi prumitteru d'arridùciri la puvirtati, lu svantaggiu e la schiusioni nnî quali sturicamenti li zìngari s'hannu sempri attruvatu.