Calcutta

Dâ Wikipedia, la nciclupidìa lìbbira.
Ubbicazzioni di Calcutta

Calcutta (nomu mudernu Kolkata) esti la capitali dû statu innianu dû Bengala Ovist. S'attrova nni l'Innia Orientali, nni la riva est dû ciumi Hooghly. La citati havi na populazzioni di circa 5 miliuna, cu na populazzioni metropulitana estennuta di cchiù di 13 miliuna, facennu accussì la secunna agglumerazzioni urbana e la quarta citati cchiù granni di l'Innia. A lu sud dâ citati s'attrova lu delta dû Sundarbans, la furesta di mangrovî cchiù granni dû munnu.

La citati sirvìu comu la capitali di l'Innia Britànnica, nzinu ô 1911. Na vota centru di l'aducazzioni, scienza, curtura e pulìtica di l'Innia, Calcutta tistimuniau la stagnazzioni ecunòmica nni l'anni siquennu la ndipinnenza Indiana ntô 1947. Doppu lu 2000, na rijuvinazzioni ecunòmica havi arristatu lu declinu, cunnucennu a na migghiuranza dâ criscimonia. Comu àutri granni citati, Calcutta cuntinua a alluttari chî prubbremi di l'urbanizzazzioni comu puvirtati, polluzzioni, e cungestioni dû tràficu. Na citati vibranti cu na curtura socio-pulìtica distinta, Calcutta è nutata pâ sò storia rivuluzziunaria, rangennu dû muvimentu pi l'innipennenza, a li muvimenti prugrissisti di Naxalite e l'unioni di travagghiu.

Canusciuta comu la "Capitali Curturali di l'Innia", la "Citati dî Prucessioni", e la "Citati dâ Joia", Calcutta havi statu macari la casa pi luminari comu Rabindranath Tagore, Subhash Chandra Bose, Matri Teresa, Satyajit Ray e Satyendranath Bose.Template:Link FA