Bibbliuteca

Dâ Wikipedia, la nciclupidìa lìbbira.
Libbra antichi di la Bibbliuteca di lu Merton College di Oxford

Na Bibbliuteca è na cugghiuta urdinata di libbra. La palora pò rivardari na cugghiuta privata pirsunali, ma cchiù spissu veni addupirata ppi na granni cugghiuta funnata e mantinuta di nu enti lucali (municipiu, riggiuni, univirsitati) o di na stituzzioni e ca veni addupirata di assai genti ca suli nun ponnu accattàrisi li libbra. Ccu lu sviluppu di li novi sistemi ppi la riggistrazzioni di li nfurmazzioni diversi di li libbra e ccu li cugghiuti di sti uggetti, assai bibbliutechi ora sunnu macari dipòsiti di mappi, stampi o àutri artifatti, microfilm, nastri àudiu, CD, LP, video-tape e DVD, e hannu macari pustazzioni ppi lu pùbbricu putiri addupirari sti ticnuluggìi.

L'etimuluggìa di la palora[cancia | cancia la surgenti]

La palora è furmata di dui palori grechi: βιβλίον (biblíon, "libbru", "òpira") e θήκη (théke, "scrignu", "ripustigghiu").

La palora βιβλίον (biblìon) differisci di βίβλος (bíblos). Βίβλος era lu nomu ca vinìa datu a la curtezza interna di lu papiru (βύβλος, biúblos), e vittu ca stu matiriali era addupiratu comu supportu a la scrivuta, nti l'èbbica àttica la palora βίβλος addivinni sinònimu di "libbru". Macari Βιβλίον veni a idintificari la "carta" o la "littra" unni si scrivìa, ma prestu pirò sta palora veni a significari nun sulu "libbru scrivutu" ma macari "òpira littiraria".

Mentri nti lu grecu mudernu cc'è la palora βιβλιοθήκη (vivliothikì, ccu la pronunzia itacista), nun cc'è trazza nti lu grecu clàssicu. È sinnata pirò la palora βιβλιοφυλάκιον (bibliofiulákion) ccu lu significatu di "dipòsitu di libbra" o "archiviu di libbra". Dione Crisostomo, nti lu I sèculu d.C., duna a la stissa palora βιβλίον lu significatu di "bibbliuteca".

La palora veni ccu formi simigghianti nti lingui comu lu tidescu (Bibliothek), lu francisi (bibliothèque), lu nurviggisi (bibliotek), lu spagnolu (biblioteca), lu svidisi (bibliotek), lu pulaccu (biblioteka), lu purtughisi (biblioteca), lu rumenu (bibliotecã), lu russu (Библиотèка), l'ulannisi (bibliotheek), e naturarmenti nti lu grecu mudernu (βιβλιοθήκη). Nti la lingua anglisi s'addòpira la palora library, dirivata di lu latinu liber, "libbru".

Nta Commons s'attròvanu àutri mmàggini rilativi a Bibbliuteca.