Batissa

Dâ Wikipedia, la nciclupidìa lìbbira.
Na batissa francisa

La "batissa" o "matri batissa" è la supiriura d'un munasteru, d'un cummentu di mònichi, o d'arcuni òrdini riliggiusi cristiani. Lu tèrmini batissa dirivati di la palora latina abatessa.

La sua giurisdizzioni amministrativa è paru a chidda di n'abbati.

Lu munachèsimu uccidintali, tantu masculinu quantu fimmininu, accumenza ntô sèculu IV doppu Cristu. Ci fu la fasi dî "rimiti", òmini e fìmmini, ca s'arritiràvanu ntô disertu o nta grutti n isulamentu tutali, si diffunnìu a òpira di San Pàulu di Tebbi, lu cenobbiu. La vita cenobbìtica, nun prividi nu cummentu veru e propiu, ma tanti celli o grutti isulati, cu na cappella o cresia n cumuni.

Sulu cu San Binidittu di Norcia e la soru Santa Sculàstica nasci lu monachèsimu uccidintali. A li Binidittini e a li Binidittini si jùncinu àutri cumunitati munàstichi, comu chiddi di San Martinu di Tours, vìscuvu, e San Paulinu di Nola, vìscuvu. Sunnu li Binidittini, parò a dari vita â vita munàsticu-cummintuali. Li celli dî mònici e dî mònichi sunnu, nfatti, nta na struttura ùnica. Di ccà nasci l'esiggenza d'aviri n'abbati o na batissa, ca guidia la cumunitati ntera.

Sulu câ riforma di Cluny nàscinu strutturi di cuordinamentu, ditti pruvinci, ca cuòrdinanu chiù cummenti, ma ntâ prassi binidittina urigginaria ogni cummentu ci havi na sò autunumìa.

La batissa è pî mònichi, quinni, matri e mastra. Comu l'abbati e lu vìscuvu, porta spissu ô coddu na cruci, sìmmulu dâ sò auturitati supra li cunzoru.

È solitamenti lu còmpitu dâ batissa di guidari la prijera, attribbuiri li manzioni e cuncèdiri ccizzioni â règula, supratuttu pî nuvizzi e li mònichi malati.

WikiLettera

St'artìculu è sulu un abbozzu (stub). Siddu vuliti, putiti ammigghiuràrilu secunnu li cumminzioni dâ Wikipedia.
Pi l'elencu cumpretu dî stub, viditi la rilativa catigurìa