Baarle

Dâ Wikipedia, la nciclupidìa lìbbira.
Lu pileri simmolicu marcannu lu cunfini nna Baarle-Hertog. Lu cunfini veru s'attrova ntrôn paru metri di ccà.


Baarle-Hertog e Baarle-Nassau cumprenninu nzemmula lu paisi di Baarle. 22 nchiavatini belgî s'attrovanu ntra e attornu ô paisi. Ntra quarchi banna di sti nchiavatini s'attrovanu ancura eschiavatini ulandisi. Nnû paiseddu belgiu di Zondereigen s'attrova nautra nchiavatina ulandisi, facennu ottu 'n tutali. Ntô 1995 cc'era na sicunna cummissioni di cunfinu chi dicidiu li cunfini ufficiali. Nu tirrennu d'erba chi finadora era neutrali havi statu assignatu ô Belgiu, sparti dî 22 nchiavatini.

Nta quarchi banna dû paisi lu cunfini è nanticchia strittu câ cunsiquenza ca si ponnu attruvari na cucina ôn latu e nautra stanza dâ stissa casa a l'autru latu dû cunfini. Jennu pi stu modu, spissu dividennu li fabbrichi, vinni addicchiaratu ca la porta havi âmmustrari la nazziunalità di l'abbitanti d'ogni casa. P'essiri cchiù chiaru, tutti li nummira dî casi dû paisi ammostranu la bannera belgia o ulandisi (viditi li fotu).

Nummiru di casa_Nassau

Pulitica[cancia | cancia la surgenti]

Ntô cumuni di Baarle-Hertog la pulizzia di Baarle-Nassau e di Baarle-Hertog s'hannu junciutu nzemmula, stabbilennu unu ufficiu pi tutti dui. Si tratta di na situazzioni strana, ma nun è cumpritamenti unica.

Nummiru di casa_Hertog
Ntê banni dû nord di Baarle s'attrovanu tri nchiavatini belgî. L'Ulanda s'assetta â manu manca, lu Belgiu â manu dritta.


Storia[cancia | cancia la surgenti]

L'uriggini di sta siparazzioni tra Baarle-Hertog e Baarle-Nassau s'attrova na cintinara d'anni fa. Ntô seculu XIII lu duca di Brabant desi quarchi parti dâ sò terra ôn nobbili di Breda, ritinennu li parti cchiù prudittivi. Cu tempu, stu pezzu di terra addivintau na parti dâ casa di Nassau, pigghiannu lu nomu Baarle-Nassau. Cchiù doppu tutti li terri dâ casa di Nassau ficiru parti dû statu d'Ulanda, e l'autri terri d'uriggini di Brabant, arristaru nnâ parti dû Belgiu mudernu. E accussì arristau sta situazzioni pulitica straordinaria.

Liami esterni[cancia | cancia la surgenti]

Tutti dui cumuni hannu lu sò situ chi si ponnu junciri agualmenti usannu o baarle-nassau.nl o baarle-hertog.be.

Na casa di cui mitati s'attrova nta l'Ulanda, e l'autra mitati s'attrova ntô Belgiu

Autri liami:

Commons-logo.svg
Nta Commons s'attròvanu àutri mmàggini rilativi a Baarle.