Accademia Carrara
|
L'Accademia Carrara è na quatrarìa e n'accademia di bell'arti chi s'attrova nnâ citati di Bèrgamu.
L'urìggini dâ quatrarìa si devi ô conti Giàcumu Carrara, Mecenati e dunaturi d'un ginirusu làscitu â citati di Bèrgamu â fini dû sèculu XVIII.
Doppu la morti dû conti, ntô 1796, tutti li soi beni foru dati 'n amministrazzioni a fauri di l'accademia finu ô 1958 quannu l'amministrazzioni passau ntê manu dû cumuni di Bèrgamu. Ntô 1810 fu custruiutu un novu edificiu nnâ forma neoclàssica prucittatu di l'architettu Simone Elia, addevu di Leopoldo Pollack.
Lu museu l'ùrtimi anni havi cuntinuatu a aumintari lu propiu patrimoniu cu acquisizzioni e dunazzioni. Attualmenti pussedi 1.800 quatri dû XV ô sèculu XIX d'artisti quali Pisanello, Botticelli, Bellini, Mantegna, Raffaellu, Moroni, Baschenis, Fra Galgariu, Tiepolo, Canalettu e Picciu.
Ê quatri s'affiàncanu na cugghiuta di disigni e stampi, bronzi, sculturi e purciddani, mòbbili e oggetti di arredamentu e na cugghiuta di midagghî.
Ntô 1793, cuntimpuraniamenti â prima apirtura pùbbrica dâ propia gallirìa, lu conti Giàcumu Carrara vulìu ca ntô stissu locu s'accuminzassi li corsi di disignu e di pittura. La scola vinni ospitata nzinu ô 1912 nta l'edificiu di l'ottu centu.
Ntô 1991 si vinni agghiunciuta la Galleria d’Arte Moderna e Contemporanea (GAMEC) situata ntô cumplessu architittònicu di frunti a l’edificiu neoclàssicu chi òspita la quatrarìa. Attualmenti cunta deci càmmiri d'esibbiri, dislucati supra tri chiani.
Lu museu è apertu tutti li jorna di li 9.30 a.m. a li 18.30 p.m.[1]
Noti[cancia | cancia la surgenti]
- ↑ Accademia Carrara Museum in Bergamo, Province of Bergamo. URL spiatu lu 11-04-2023.