Via dei Crociferi
Via dei Crociferi ('n sicilianu Strata di li Crucìfiri o Via di li Crucìfiri) è na strata di Catania rializzata ntî lu XVIII sèculu. Accumincia ntî Piazza San Francesco d'Assisi e e si cci trasi di sutta l'arcu di San Binidittu.
Storia
[cancia | cancia la surgenti]La strata, ca havi a firriari tunnu cresii, munasteri e picca abbitazzioni civili, è n'asempiu di l'architittura barocca siciliana. Ntî nu spazziu di mancu 200 metri sunnu prisenti quattru cresii. La prima è la Cresia di San Binidittu, alliata a lu cunventu di li soru binidittini ccu l'arcu ca porta lu stissu nomu ca passa la strata e allìa la Badìa granni a la Badìa nica. Ddocu si cci trasi tràmiti na scalazza e havi a firriari tunnu nu cancellu 'n ferru battutu. Jennu avanti s'ancontra la Cresia di San Franciscu Borgia, unni si cci trasi tràmiti dui scaluna. Appressu s'ancontru lu Culleggiu di li Gisuiti, vecchia sedi di lu Stitutu d'Arti, ca havi dintra nu beddu chiostru ccu pòrtici supra culonni e arcati.
'N facci a lu Culleggiu è situata la Cresia di San Julianu, cunzidirata unu di l'asempi cchiù beddi di lu baroccu catanisi. L'edificiu, attribbujutu a l'architettu Giuvanni Vattista Vaccarini, havi nu pruspettu cunvessu e lìnii puliti e eliganti. Jennu avanti e passannu la via Antonino di San Giuliano, si pò taliari lu Cunventu di li Crucìfiri (ca duna lu nomu a la strata) e macari la Cresia di San Camiddu. A lu funnu di la strata s'attrova Villa Cerami, ca è sedi di la Facultàti di Liggi di l'Univirsitati di Catania.
