Tiru cu l'arcu
Lu tiru cu l'arcu è nu sport di urìggini antichi. Su assai diffirenti li provi ca diffirènzianu sta disciplìna.
L'arcu - è ntisu comu arma, ma videmma comu strumentu di càccia, jocu e sport - è cirtamenti ntra li mminzioni cchiù irigginali di l'omu, ca lu sviluppò ntî diversi banni e tempi di la Terra, e fu unu di li strumenti primitìvi cchiù evoluti.
S'arriteni ca la prima rapprisintazziòni di n'àrcu fu nu graffitu di havi trentamila anni. Già di lu Paleoliticu l'omu usava ssu strumentu comu sistema di caccia pi curpìri na preda, mantinènnusi a na distanza sicura.
Lu tiru cu l'arcu apparsi pâ prima vota ntî Jochi Olìmpici dû 1900 n Pariggi. Venni livantu ntô 1920 e venni ammessu arreri a li Ulimpìadi dû Mònacu di Baviera ntô 1972; di st'annu nzinu a òi è una dî spicialitati ulìmpichi ca purtò assai midagghi a la nazziunali taliana.
N Italia lu tiru cu l'arcu è cunzidiratu cchiù comu nu passatempu pi carusi; venni accuminzatu a èssiri praticatu comu sport sutta lu reggìmi fascista: chista era nfatti una di li disciplìni risirvata a li "Jovani Taliani".
A partiri dô 1956 accuminzarunu a èssiri urganizzati li primi cumpitizzioni, aperti pî màsculi e pî fìmmini.
Cumpunenti e accissura
[cancia | cancia lu còdici]Ogni arcu è furmatu di diversi banni:
- rìser: lu corpu cintrali di l'arcu, zoè parti ca si teni n manu cu la mpugnatura pi tirari;
- flittenti: la parti di l'arcu ca si fletti e si firrìa.
- corda: cumpusta di fibbri matiriali o sintitici;
- buttuni: sistema di ammurtizzamentu ca adatta la flissibbilitati di la freccia cu la putenza di lu tiru;
- rest: supportu unni s'appuja la freccia;
- stabbilizzaturi: asta ca lìmita lu muvimentu di l'arcu;
- clicker: linnuetta mitalicca ca funziona comu mutivaturi di sganciu e di allungamentu.
Fidirazzioni
[cancia | cancia lu còdici]N Italia cci su dui diversi fidirazzioni di tiru cu l'arcu:
- Fidirazzioni Taliana Tiru cu l'arcu (FITARCO) funnata ntô 1961;
- Fidirazzioni Taliana Arcèri Tiru di Campagna (FIARC) funnata ntô 1983.
