Timișoara

Dâ Wikipedia, la nciclupidìa lìbbira.
(Rinnirizzata di Timişoara)
Timișoara, 2017
Mappa dâ Rumania ccu Timișoara (u puntu russu)

Timișoara (n tudiscu Temeswar o Temeschburg, n ungarisi Temesvár, n serbu Temišvar e n turcu Tamışvar) è na citati dû punenti dâ Rumania, ntâ pruvincia di Timiş e ntâ riggiuni di Banat, cu na pupulazzioni di 355.977 abbitanti ntô 2004 (317.953 abbitanti ntô 2002). Tutti li varianti dû sô nomu vènninu dû ciumi "Timișul", macari canusciutu cû nomu di Bega doppu ca fu canalizzatu. Na citati nnustriali cu sirvizza estinsivi, fu la prima citati europea lluminata cu l'elittricitati. Timișoara è na citati multiculturali chî sô principali cumunitati (tudischi, ungarisi, serbi, taliani, palistinisi e grechi). Ccà nascìu Johnny Weissmuller (un campiuni olìmpicu di natari, cchiù numinatu pi aviri fattu Tarzan). Timișoara fu macari visitata di Gustave Eiffel, lu criaturi dâ Turri Eiffel a Pariggi; custruìu un ponti supra lu ciumi Bega.

Sturia[cancia | cancia la surgenti]

Ottoman Timișoara, 1602

Ntô 1019 Timișoara (chî vari nomi di Dibiscos, Bisiskos, Tibiskos, Tibiskon, Timbisko, ecc...) è minziunata pâ prima vota ntê ducumenti scritti dû mpiraturi bizzantinu Basiliu II (ma tutti li stòrici nun s'accòrdanu cu sta idintificazzioni).

Lu 16 di dicèmmiru 1989 na rivurtura pupulari s'accuminzàu a Timișoara contra lu riggimi cumunista di Nicolae Ceauşescu. Un òrdini di dipurtazzioni dû pasturi calvinista ungarisi László Tökés fu datu â pulizzìa sicreta (a Securitate) e la riazzioni dî membri dâ sô cresia fu di circunnari la sô casa, mentri àutri pirsuni jeru ntâ Chiazza di l'Òpira, la chiazza cintrali dâ citati. Lu putiri cumannau di gràpiri lu focu suprâ genti.

Arcuni surdati di l'asèrcitu rifiutaru di sparìricci e jeru câ genti. Fu lu principiu dâ fini pû vecchiu riggimi ca finìu l'àutra simana.

Lu 20 di dicèmmiru 1989, Timișoara s'addichiarau la prima citati lìbbira. 1.104 pirsuni mureru e 3.352 foru firuti.

Universitati[cancia | cancia la surgenti]

Pirsunalitati di Timișoara[cancia | cancia la surgenti]

  • Meir Amigo
  • dr.Cardinalis Laurenzius Schlauh (1892-1903) vescovo di Oradea,funerario e fo porttato in Capella familiara Schlauh di Timișoara (1903).

Citati Gimillati[cancia | cancia la surgenti]

Culligamenti Esterni[cancia | cancia la surgenti]

Rifirimenti: