Aricchia

Aricchiu umanu

L'aricchiu (o aricchia) è l'òrganu di la ntisa.
Figurativamenti ìnnica la spigazzatura a l'ànguli di na pàggina, usatu cchiù friquentimenti ô fimminili (aricchia).

Anatumìa umana

Si cumponi di tri parti:

• aricchiu sternu, lu culligamentu cu lu sternu, di cui ntràsinu li sònura
• aricchiu mediu, lu tràmiti tra lu sternu e lu nternu
• aricchiu nternu, l'elimentu urganizzaturi e ricitturi dî sònura.

Nta l'aricchiu nternu è postu n'òrganu ca rileva la pusizzioni e lu spustamentu dâ testa, ditirminannu lu senzu di l'equilibbriu.

Anatumìa cumparata

Ciclòstumi e pisci

È prisenti sulu l'aricchiu nternu e è custituutu dû labbirintu mimbranusu, ca s'urìggina dâ viscìcula acùstica (otocisti).
Cumprenni otrìculu, sàcculu, canali semicirculari, laggena.
Li canali semicirculari sunnu tri ntê gnatòstumi, arriducènnusi a dui ntê pitrumizzonti e a unu ntê missinòidi.

Anfibbi, Rèttili, Acedda e Mammìfiri

 laggena ca cumpari ntê pisci s'accumpagna lu ricessu basilari nta l'anfibbi, na secunna struflissioni, ca, ntê rèttuli e nta l'acedda, s'allonga 'n un canali spiraliformi, addivintannu la còclia dî mammìfiri.
Nta l'anfibbi anuri, accumpari l'aricchiu mediu, ch'è drittamenti 'n cuntattu cu lu sternu. Chî rèttili e l'acedda si riscontra macari la prisenza di l'aricchiu sternu, ca si cumpleta cû padigghiuna auriculari ntê mammìfiri.
La catina di l'ossicini, cumpleta ntê mammìfiri, è riduciuta a un sulu ossu nta l'anfibbi, la culumedda. Ntê rèttili e nta l'acedda è cumposta di dui suli ossa: staffa e straculumedda.

Vuci currilati

• Aricchinu - Giuiellu a urnamentu di l'aricchiu.
• Aricchiu artificiali.
• Aricchiu biònicu.
• Aricchiuni - Furtificazzioni o pernu ca susteni un cannuni.
• Aricchiuni - Nomu cumuni d'un Mammìfiru dî Chiròttiri.
• Aricchiuna - Malatìa.