Solidarność
Solidarność (dâ lingua pulacca, significannu «amicizzia») è n'organizzazzioni labburista pulacca funnata ntô sittèmmiru dû 1980 ô portu di Gdańsk. D'urìggini appi Lech Wałęsa comu lu sò capu chi nfini addivinatu lu primu prisidenti dâ Pulonia dimucratica. Duranti li 1980ini, st'organizzazzioni addivintau comu nu muvimentu di prutesta contra lu partitu cumunista cû sustegnu dâ Chiesa Cattòlica (ricurdannu ca Papa Giuvanni Paulu II avìa appena addivintatu Papa, e certamenti st'abbinimentu era comu na forza pusitiva pû pòpulu pulaccu).
La criscimonia di stu muvimentu si trattava d'un abbinimentu senza pricidenza, nun sulu pâ Pulonia (un paisi cumunista culligatu cu l'Unioni Suviètica), ma pi tuttu l'Europa urientali (voldiri chiddi chi si facìanu parti dû Pattu di Varsavia). Putemu diri cu cirtezza ca tra na dicina anni di quannu si nascìu Sulidaritati, l'Unioni Suviètica era cumpritamenti sbannuta (cumprinennu puru li stati di l'Europa urientali), e ca Solidarność era na nfruenza significanti di zoccu succidìu.