Dâ Wikipedia, la nciclupidìa lìbbira.
Sittèmmiru (o macari Sittèmmuru) è lu nonu misi di l'annu secunnu lu Calannariu grigurianu. Stu misi ci havi 30 jorna.
| Sittèmmuru ntâ puisìa di Franciscu Guglielminu
|
- O misi di Sittèmmuru, pri mia
- tu si lu megghiu di tutta l'annata,
- misi di divirtuti e d'alligrìa,
- di lu riposu e di la scampagnata.
- La racinadda penni di la viti,
- ci sù l'ùrtimi pèrsichi e li pira,
- e a li castagni ca nun sù chiumpiti
- un carusu quarchi petra ci la tira.
- Misi quannu cumincia la vinnigna
- cu la cadenza di lu pistaturi,
- scurri lu mustu e ntantu ni la vigna
- càntanu a coru li vinnignaturi...
- Càntanu a coru e fa la sinfunìa
- 'n testa lu suli e 'n facci la muntagna
- e ssà stisa di virdi ca pò sbria
- unni lu mari l'accarizza e vagna;
- e li strumenti accorda cu li vuci
- lu suli capu di ssu cuncistoru,
- e la mùsica è scritta cu la luci
- e la bacchetta sù li raggi d'oru.
- Na la Sicilia mia, terra di ncantu,
- a sittèmmuru c'è stu gran cuncertu;
- si girati li munnu tuttu quantu
- nun lu struvati, no, ni sugnu certu.
|
