Sant'Àita li Vattiati
| Sant'Àita li Vattiati | |
| |
| Muttu: | |
| Nomu ufficiali: | Sant'Agata li Battiati |
|---|---|
| Riggiuni: | |
| Pruvincia: | Catania (CT) |
| Cuurdinati: | 37°33'30"N, 15°4'50"E Ammustra ntâ mappa |
| Superfici: | 3 km² |
| Abbitanti: | 10.289 |
| Dinzitati: | 3430 ab./km² |
| Cumuni cunfinanti: | Catania, Gravina, San Giuvanni la Punta, Trimmisteri |
| CAP: | 95030 |
| Prifissu telefònicu: | +095 |
| Situ ufficiali: | http://www.comune.sant-agata-li-battiati.ct.it |
Sant'Àita li Vattiati è un cumuni di 10.289 abbitanti dâ pruvincia di Catania. L'abbitanti si chiàmanu vattioti.
Storia
[cancia | cancia la surgenti]Pi causanza di la vicinanza a la cità di Catania, hà sempri avutu cu chista li stissi avvinimenti stòrici, e pirciò nun havi nu passatu ca la cuntraddistingui pi fatti particulari. Nutizzi di la sò nàscita, ntra la storia e la liggenna, cuntati di na ginirazzioni a n'àutra, e scritti macari supra a tanti libbri di storia catanisa o di li comuna vicini, arricòrdanu li urìggini di lu beddu paisi, ca vèninu di nu eventu fattu di na pirsunalità llustri: Sant'Àjta, la Vìrgini e Màrtiri catanisa, ca la vosi unurari di la sò prutizzioni.
Nàscita di lu nomu ntra storia e liggenna
[cancia | cancia la surgenti]Sant'Àjta Li Vattiati facìa parti di la cuntrata ditta "Terra di S. Àjta"; era furmata di nu gruppu di casuddi, misi a nord di la citati di Catania. Si hannu picca nutizzi e li primi d’iddi sunnu di la prima mitati di lu sèculu XV: quannu scassò la muntagna (Etna) nta lu 1444 la citati di Catania fu minazzata, tantu era abbunnanti la culata di la lava. Lu Vìscuvu di la cità, Giuvanni De Pescibus, pi granni raccumannazzioni di lu Viciré di Sicilia Ximene De Urrea e di na fudda di divoti, prijò lu Biatu Girimia (nu mònucu duminicanu) di jiri ‘n prucissioni cô "Velu di Sant'Àjta" ntê vicinanzi di la culata.
Pi miràculu, la culata si frimmò d’avanti a lu velu. Nta ssu locu, unni tutti dìssuru ca Sant’Àjta ci fici lu miràculu, li fideli ci fìciru na icona e appoi nu tempiu nicareddu cu na Funti Battisimali. Pi divuzzioni di nu jùdici catanisi, lu sò nomu era D'Arcangelo Larenzu, ntô 1693 la cappedda vinni dutata di nu bustu di la Santa.
Alla funti battisimali di la Cappella ci jìvanu l'abbitanti di li casi vicini, ca purtàvanu li figghi nta l’ùnica funti battisimali ca c’era nta dda zona, pirciò l'antica "Terra Sanctae Àgathae" addivintò terra di li "battizzati", ‘n sicilianu "Battiati o Vattiati ". Cu lu passari di li sèculi, la cappedda si distruggìu e vinni scunzacrata e oggi, a via Roma, ristau sulu quarchi muru sdirrubbatu.