San Silvestru di Traina
Silvestru (Traina (EN) 1110 - Traina (EN) 2 di jinnaru 1164) è un Santu Monacu Basilianu veneratu da Cresia Cattolica.
Aggiografìa
[cancia | cancia la surgenti]Nasciu forsi da Famigha Cipria e addivintò monacu basilianu nò Monasteriu di San Micheli Arcancilu, unni ebbi versu tutti tanta carità. Divotu di Sant’Aita vosi iri a Catania pi viniralla e a Roma, unni lu Papa Adrianu IV nò 1155 lu fici parrinu. Quannu riturnò si firmò a Palermu, e guarìu Gugghiermu II, lu fighu di Gugghielmu I re di Sicilia (1154-1156) e fu fattu Abbati. Poi si ritirò comu rimitu vicinu a Cresia nica di San Bartulumeu. Muriu lu 2 jinnaru du 1164 o secunnu autri scrittura du 1185.
Li miraculi e la canunizzazzioni
[cancia | cancia la surgenti]Versu lu 1420 dui cacciaturi di Leontini vidiru na luci chi nisceva d’una grutta e truvaru lu Corpu di Silvestru. Na l’artari da Cappella ‘n funnu â navata sinistra da Matrici c'e la statua di lignu di San Silvestru, fatta ntô 1484 di scultura Giuvanni e Jacupu Tifanu. Fu dichiaratu Santu dû Papa Giuliu III nò 1555. Nò 1575 fu fattu Patronu di Traina pi avilla libirata da pesti. Supra lu so sapulcru li Citatini di Traina posanu pû 2 di jinnaru ramuzzi d’addauru. Lu Fistinu di Traina pi San Silvestru avi iniziu la pinurtima duminica di maju, quannu li divoti vannu a pedi ‘n campagna pi truvari addauru. Sta festa si chiama “addarata“.
Riliqui
[cancia | cancia la surgenti]Lu Corpu è sarvatu ntô sarcofagu di marmu di Duminicu Gaggini ntâ Cresia ntitulata ô Santu. Autri Riliqui sunnu dintra n’urna d’argentu dû 1736 e un pezzu dâ Testa na n’autru Riliquiariu.