Talìa la surgenti di Gela, Voscu Littòriu-Ampòriu arcàicu

[[File:Bosco_Littorio.jpg|thumb|right|200px|Trasuta pi l'ària archiològgica dimaniali " Voscu Littòriu-Ampòriu arcàicu"]]

''' Voscu Littòriu-Ampòriu arcàicu''' ('''Bosco Littorio''' 'n [[lingua italiana|talianu]]) è na zona [[rina|rinusa]] dâ costa [[sicilia]]na ntô comuni di [[Gela]] cu na viggitazzioni fitta fitta, unni s'attrova n'ària [[Archeologgìa|archiològgica]] ca sarva li resti di n'[[ampòriu]] arcàicu, risalenti a lu [[VII sèculu a.C.]].

La zona pigghiau lu nomu chi havi ora a l'èbbica dû "[[Vintènniu]]". Cu la rializzazzioni di la raffinarìa ntî l'[[Anni 1950|anni '50]], la viggitazzioni patìu li cunziquenzi di li fumi tòssichi e macari aoggi si ponnu taliari  l'[[Àrvulu|àrvuli]] tumifatti e nturciuniati.
Finu a l'[[Anni 1970|anni '70]], l' [[Ària (supirfici)|ària]] vinìa usata dî [[gilisi]] p'arrifriscàrisi ntâ [[stati]] e di ccà scìnniri ammeri a lu [[mari]]. Foru assai friquenti macari li tumbaroli, ca cci arrubbàvunu l'uggetti pigghiati ntâ [[rina]]<ref>Lu prubblema dû furtu di li riperti archiològgichi hà sempri statu tìpicu dâ Sicilia e di sti banni spiciarmenti, cunzidirannu la quantità mprissiunanti di matiriali ''geloi'' ca s'attròvunu 'n tuttu lu munnu ni li varî musei, unni su' sarvati li riperti di la cui urìggini è assai vôti clannistina</ref>.

Ntô [[1983]] ci foru fatti scavi archiològgichi ca purtaru a la canuscenza di l'ampòriu e dû [[1992]] l'ària apparteni a lu [[dimàniu]] riggiunali cu la stituzzioni di la Suprintinnenza di [[Caltanissetta]], ca ancora aoggi òspita la sedi gilisi. Lu [[voscu]], unni si trasi libbiramenti, vinni ricintatu e è prutiggiutu dâ Vardia furistali; l'arìa archiològgica è nzinu a ora 'n fasi di scavu.

==L'Ampòriu arcàicu==
[[File:Emporio_Gela_2.jpg|thumb|left|200px|Scavi di l'anticu ampòriu: si vìdunu li purtusi d'alluggiamentu pir li travi di lu tettu]]
[[File:Emporio_Gela_1.jpg|thumb|right|200px|Viduta di l'ambienti "A1" di lu VI sèculu a.C. e di la so' porta]]
L' '''Ampòriu arcàicu'''<ref>La dinominazzioni ufficiali è '''''Gela, Bosco Littorio-Emporio arcaico''''' (Gela, Voscu Littòriu-Ampòriu arcàicu). Pir la rializzazzioni di stu paràgrafu ci s'abbasau supra lu testu R. Panvini; F. Giudice, ''Ta Attika: veder greco a Gela : ceramiche attiche figurate dall'antica colonia'', Roma 2003, pagg. 215 ''passim''</ref>, accussì adintificatu di l'archiòlughi, sarva n'assai [[nùmmiru|nùmmira]] di strutturi (chiossai di la dicina) ca appartènunu a nu granni quarteri, ca si spanneva dû portu supra ô mari nzinu a l'acròpuli di l'antica civitati greca di ''Ghélas''(lu situ di l'antica acròpuli aoggi è la cullina appiddata ''Mulinu a ventu''), ni la zona dilimitata di lu ciumi Gela a miridioni. Si tratta di edifìzî cu li stanzi quatrati chiuttostu rijulari. Li [[muru|mura]] si sàrvanu finu a chiossai di 2 metri di autizza e a li vôti sàrvanuu la lìnia di posa di l'antichi travi dû tettu. Ni certi casi s'attruvau macari lu stratu di ntònacu ca rivistiva li mura dâ parti d'intra. Ntî una di li strutturi è ancora sana la porta di trasuta, cu  li stìpiti e l'architravi. La isata era custruita 'n madduni crudi, caudiati cû [[suli]], probabbirmenti rializzati 'n sèrii datusi cà quasi tutti prisèntanu li stissi misura (60 x 60 x 15&nbsp;cm).

Na prima fasi di vita di stu quarteri, è datatu a lu pirìudu dâ funnaziuni dâ culònia greca ([[VIII seculu a.C.]]). Lu situ si sviluppau ni lu VI sèculu, nzinu a la so' distruzzioni doppu lu [[480 a.C.]], prubabbirmenti pir causi naturali, addiforsi nu [[marimotu]]: tracci di n'avvinimentu  traumàticu si vìdunu ntê mura sdirubbati di nu pocu di [[càmmira|càmmiri]] d'abbitazzioni. Supra a li resti dû quarteri arcàicu, s'attruvau la tistimonianza di n'àutra fasi vitali cû ritruvamentu dî resti di banchetti, prubabbirmenti a scopu rituali.

La scuperta dû situ avvinìu mentri si travagghiava pi fari li funnamenta di chiddu c'avìa èssiri n'asilu cumunali. A sècutu di na signalazzioni, li travagghi foru bluccati e lu canteri pir lu novu l'asilu s'appi spustari a n'àutra banna.

Ni lu [[dicèmmiru]] [[1999]], mentri vinìanu fatti li scavi archiulòggichi, a uccidenti di lu Voscu, sutta la dirizzioni di la suprintinnenti Rosalba Panvini e cunnuciuti di l'archiòluga Lavinia Sole, foru attruvati tri altari [[cìramica|fittili]], ca si dàtanu a lu dicènniu [[490 a.C.|490]]-[[480 a.C.]] e su' dicurati di fijuri mitulòggichi a rilevu: ntî unu la [[gòrgoni]] Mìdusa (la fijura arricorda l'esimplari sìmili ni la forma di antifìssa espunutu a lu museu "Paolo Orsi" a [[Sarausa]]), cu li figghi Pecasu e Crisàuri sutta li [[vrazzu|vrazza]]; n'àutru la dia [[Eos]], mentri ca si stà purtannu [[Thanatos]]; e pi finiri, ntî lu terzu altari c'è la rapprisintazzioni di na trìadi fimminina (tri dei fìmmini) ca nun si ponnu adintificari. L'altari su' aora espunuti ntô Museu archiològgicu riggiunali di Gela<ref>Pir li altari - cronuluggìa, stili, rafficurazzini - talìa R. Pavini, ''Les autels archaïque de Gela. Une découverte exceptionelle en Sicile. Musèe du Louvre, Salle de Diane (25 septembre-17 décembre 2001)'', Caltanissetta 2001</ref>.

N'àutru ciclu di scavazzioni, accuminciatu a [[nuvèmmiru]] dû [[2007]], si cunchiùriu l'annu doppu, a [[sittèmmiru]]<ref>Pi' sti novi acquisizzioni L. Sole, senza pubblicazzioni.</ref>, e fu fattu assemi a lu ricùpiru di li navi arcàichi attruvati ntô mari 'n facci ê scavi. Li dui scuperti, li navi e l'ampòriu, su' tinuti 'n conzidirazzioni di li studiusi assemi, comu ùnicu uggettu di ricerca, pirchì prubabbirmenti lijati di lu stissu eventu catastròficu<ref>Accomora talìa pi asìmpiu la [http://cittanuovecorleone1.blogspot.com/2008/07/archeologia-vi-fu-un-maremoto-gela-nel.html 'ntervista] a Rosalba Panvini</ref>.

Lu situ si grapiu ni l'occasioni di lu cungressu ''Traffici, commerci e vie di distribuzione nel Mediterraneo tra protostoria e V secolo a.C.'' ([[27 maju|27]] - [[29 maju]] [[2009]]) dô 29 di maiu ô pubbricu<ref>Talìa [http://www.beniculturali.it/mibac/export/MiBAC/sito-MiBAC/Contenuti/Ministero/UfficioStampa/News/visualizza_asset.html_1868132246.html lu situ] dô Ministeru pir li beni e li attività culturali</ref>.

==Nuta==
<references/>

==Bibliugrafìa==

*R. Panvini; F. Giudice, ''Ta Attika: veder greco a Gela : ceramiche attiche figurate dall'antica colonia'', Roma 2003
*R. Pavini, ''Les autels archaïque de Géla. Une découverte exceptionelle en Sicile. Musèe du Louvre, Salle de Diane (25 septembre-17 décembre 2001)'', Caltanissetta 2001

==Vuci currilati==

*[[Museu archiulogìcu rigìunali (Gela)]]
*[[Amporiu]]
*[[Gela]]

==Lijami di fora==

*{{it}}[http://www.regione.sicilia.it/beniculturali/dirbenicult/musei/musei2/areearcheologiche/archeogela.html ''Zone archeologiche di Gela (acropoli e emporio greco)''] (Zuna archìulogìchi di Gela (acropuli e amporiu grìcu)), schìda di lu situ di la Rigìuni Siciliana, ''Assessorato regionale dei beni culturali e ambientali e della pubblica istruzione'' (Assissuratu rigìunali di li bena curturali e ambientali e di la pubrica astruzìuni).
*{{it}}[http://cittanuovecorleone1.blogspot.com/2008/07/archeologia-vi-fu-un-maremoto-gela-nel.html ''Archeologia. Vi fu un maremoto a Gela nel V secolo a.C.?''] (Archìulugìa. Vi fu 'nu marimutu ni Gela ni lu V seculu a.C.?). 'Ntirvista a Rosalba Panvini ni ''[[La Sicilia]]'' (27 lugghiu 2008), arripigghiata di lu situ CittàNuoveCorleone.com
*{{it}}[http://archiviostorico.corriere.it/2003/ottobre/11/Riemerge_altra_Gela_una_piccola_co_0_031011041.shtml "Riemerge l' altra Gela, una «piccola Pompei»"] (Riacchiana l'autra Gela, 'na «Pumpéi nica»). Articulu di lu ''[[Corriere della Sera]]''.
*[https://web.archive.org/web/20161011103624/http://www.panoramio.com/photo/9086263 ''Gela- Scavi dell'Emporio. Alzato in mattoni crudi. VI secolo a.C.''] (Gela- Scavi di l'Amporiu. Ghisata ni mattuna crura. VI seculu a.C.), immagìni pubricata ni lu situ Panoramio.
{{Siti archiològgichi dâ Sicilia}}

[[Catigurìa:Sicilia]]
[[Catigurìa:Storia]]
[[Catigurìa:Archioluggìa]]