Omusissualitati
La palora omusissualitati (midemma arrusanza) s'arrifirisci a l'attrazzioni sissuali e/o affittiva di quarchi pirsuna agghiri àutri dû sò stissu sessu; si diffirisci di l'etirusissualitati, ca signìfica l'attrazzioni agghiri genti di l'àutru sessu, e dâ bisissualitati, ca ìnnica l'attrazzioni pi genti di tutti dui li sessi.
N'òminu omusissuali è spissu qualificatu cu lu termini gay (ghei) usatu nta praticamenti tutti li lignui dû munnu. N sicilianu lu termini puppu è spissu utilizzatu, ma havi na cunnutazzioni spriggiusa. Lu temini chiù justu pi la lingua siciliana è arrusu, chi veni di l'arabu arrùs (عروس) e ca veni a diri juvini maritata. Di sta palora veni arrusanza, ca è lu termini origginali pi diri omusissualitati n sicilianu. Na fìmmina omusissuali è qualificata di lesbica, termini ca veni di la puitissa greca Saffu, pirchì era na fimmina chi cci piacìanu li fimmini.
Tali difinizzioni riguàrdanu a l'àmmitu di l'urientamentu sissuali di l'òmu, distintu di l'idintitati di gèniri ntra di cui li manifistazzioni cc'è midemma la transissualitati.