Funètica articulatoria

Ntâ linguìstica la funètica articulatoria si òccupa di studiari li soni dô linguàggiu 'n basi a lu modu 'n cui iddi vènnunu articulati, zoè pruduciuti dall'apparatu funatoriu umanu.

Apparatu funatòriu umanu

Pi cumprènniri chistu s'ha pàrtiri da la cunuscenza di l'apparatu funatoriu, zoè dall'inziemi dill'òrgani e di li strutturi anatòmichi ca l'uomu utilizza pi parrari.
Li soni dô linguàggiu nurmarmenti vènnunu pruduciuti midianti l'espirazzioni, quinni ccù nu flussu di aria igrissiva.
L'aria partennu da li purmuna attraversu li bronchi e la trachea raggiungi la laringi, e, 'n currispunnenza dô pomu d'Adamu e quinni ntâ glottidi, s'ancontra ccù li cordi vucali, ditti macari "plichi faringei".
St'urtimi ca duranti la rispirazzioni silenti arrèstanu siparati e rilassati, ntâ funazzioni, e quinni duranti la pruduzzioni di li soni dô linguaggiu, si cuntràggunu e s'abbicìnanu ridducennu o bluccannu lu passàggiu di aria.
Sti cicli rapidìssimi di apirtura e chiusura di li cordi custituìsciunu li accussìdditti "vibbrazzioni di li cordi vucali".
Lu flussu d'aria appoi passa ntâ faringi, unni ntâ parti supiriori dô palatu o "velu", ancontra l'ùgula, ca pò lassari apertu o chiusu lu passàggiu ca metti 'n cumunicazzioni la faringi ccù la cavità nasali.
Si stu passàggiu arresta chiusu, allura l'aria nesci dâ cavità urali.

Nti ciascunu di li punti cumpresi tra la glottidi e li labbra a lu flussu d'aria pò èssiri frappostu n'ustàculu o sò passàggiu, uttinennu accussì rumura ca custituìsciunu fisicamenti li soni dô linguàggiu.

Classificazzioni di li soni dô linguàggiu

Ci sunnu tri mpurtanti paràmitri c'aiùtunu pâ classificazzioni e idintificazzioni di li soni dô linguàggiu:

• lu puntu anatòmicu unni l'aria veni ustaculata, duranti la funazzioni, custituisci lu luogu d'articulazzioni di lu sonu.
• L'àutru paràmitru è rapprisintatu da lu modu d'articulazzioni dò sonu e zòè comu avveni lu ristringimentu di lu passàggiu dill'aria.
• Lu terzu paràmitru è custituitu dâ mubbilitati di li singuli organi, zoè da la pussibbilitati di ustaculari o menu l'aria.
  'N basi a st'urtimu paràmitru putiemu aviri na prima granni uppusizzioni tra li soni dô linguàggiu:
  1) Soni pruduciuti senza la frappusizzioni di arcunu ustàculu a lu flussu dill'aria: vucali.
  2) Soni pruduciuti midianti la frappusizzioni di n'ustàculu parziali o tutali a lu passàggiu dill'aria: cunzunanti.

Trascrizzioni funètica: Arfabbetu Funèticu Nternazziunali

Prima di apprufunniri l'analisi di li sìnguli soni dâ lingua, abbisogna capiri comu iddi pònnu èssiri rapprisintati nta nu modu univirsali e nun rilativu li particulari lingui di lu munnu.
Nfatti ogni lingua havi nu sò sistema di scrittura particulari pi ugniddunu sonu virbali: li grafìi arfabbètichi sunnu tutt'àutru ca unìvuchi e cuirenti. Inortri na na stissa lingua li littiri scrivuti, zoè li unitati gràfichi, ditti tecnicamenti grafemi, ponnu currispùnniri a soni addiversi e viciversa.
Pi d'asèmpiu nâ palora cani lu grafema c veni prununciatu nta nu modu diffirenti rispettu a chiddu di la palora uceddu.
Pi uvviari a li incongruenzi di stu tipu e aviri nu strumentu di rapprisintazzioni gràfica di li soni dô linguàggiu validu pi tutti li lingui, li linguisti hannu ilaburatu vari sistemi di trascrizzioni funètica unni c'è na currispunnenza biunìvuca tra nu sonu e lu signu gràficu ca lu rapprisenta.
Lu sistema cchiù diffusu e mpurtanti è l'Arfabbetu Funèticu Nternazziunali, chiamatu spessu ccu l'acrònimu IPA da lu nomi di l'organizzazioni di linguisti ca lu prumuvìu: International Phonetic Association.
Sicunnu stu sistema, la trascrizzioni cunvinziunali di li soni previdi ca lu funema si poni tra dui parèntisi gràfichi ([]).
L'accentu veni indicatu ccu nu àpici (') postu davanzi â sìllaba nto quali iddu cadi.
Quannu inortri na vucali è prulungata dui punti (:) si mèttunu prima dâ sonu vucàlicu 'n quistioni.

Vucali

Li vucali sunnu soni pruduciuti quinni senza la frappusizzioni di ustàculi ô flussu di aria ntô canali.
Pirciò la diffirenza tra li vucali nun è stabbilita da l'addiversu luogu o modu di l'articulazzioni, ma da l'addiversi cunfurmazzioni c'assumi la cavità urali e l'organu mòbbili ca è la lingua.
Pi classificari li vucali quinni s'ha fari riferimentu â pusizzioni dâ lingua:

• avanzamentu o arretramentu: 'n basi a stu paràmitru li vucali ponnu èssiri antiriuri, pustiriuri o cintrali;
• innalzamentu o abbassamentu: 'n basi a st'àutru paràmitru iddi ponnu èssiri nveci alti, medi, mediu-alti, mediu-bassi e bassi.

Asisti nu schema ca rapprisenta la pusizzioni di li vucali sicunnu lu duplici assi urizzuntali e virticali: stu schema pigghia lu nomi di trapèzziu vucàlicu.

N'àutru paràmitru ca servi pâ classificazzioni di li vucali è la pusizzioni di li labbra.
Li labbra ponnu èssiri tesi, prutusi, ca sporgiunu 'n avanzi e quinni cuntribuìsciunu a prudùciri vucali arrutunnati o labializzati.
Viciversa ponnu èssiri rilassati e quinni li vucali pruduciuti risùrtanu nun labializzati, nun arrutunnati.

Semivucali

Ci sunnu soni articulati sicunnu nu modu intirmediu tra vucali e cunzunanti: iddi sunnu pruduciuti ccu n'iniziali ristingimentu di lu canali orali e quinni ccu na frappusizzioni appena porcittìbbili di n'ustaculu a lu passàggiu di l'aria.
Sti soni si chiàmunu semivucali.