Folklori:Azzolla nun cc'era

Dâ Wikipedia, la nciclupidìa lìbbira.
(Rinnirizzata di Folklori:Azzolla nun c'era)
Jump to navigation Jump to search

Azzolla nun cc'era è nu cuntu assai canusciutu tra li migrati siciliani chi arrivaru 'n Amèrica e Australia duranti lu sèculu XX, ca spissu s'ammiscaru li lingui siciliana e ngrisa tra iddi stissi.

Lu scherzu dû cuntu si manifesta di l'usu di sta palora azzolla, chi veni usatu comu na forma di siculish (na miscata dû ngrisi e dû sicilianu) pi significari that's all: «nn'abbasta d'accussi» o «nun cci nn'è di superchiu».


Cc'era na vota nu omu ca vinni nt'Amèrica e doppu nu pocu di tempu la sò lingua addivintau mbastarduta. Avìa addivintatu menzu miricanu e dicìa yessi (yes o si), sciur (sure o certu), e autri palori miricani quannu parrava.
Scrivìa a sò matri spissu mannànnucci sordi e riali.
Na vota ca era nu pocu scarsu di riali cci scrissi: «Carìssima matri, ti mannu sti pochi sordi e azzolla» (zzoè, nenti d'àutru).
Sò matri cci arrispunnìu sùbbutu, dicènnucci: «Carìssimu figghiu, li sordi arrivaru boni, ma azzolla nun cci nn'era!»

Rifirimenti[cancia | cancia la surgenti]

Lijami nterni[cancia | cancia la surgenti]