Milanu: L'ex prisidenti dû cunsigghiu italianu e magnati di la cumunicazzioni Silviu Berlusconi dissi ca si voli candidari pi vìnciri l'elizzioni, pruvucannu na unna di cummenti pi lu cchiossai nigativi di la parti dî media nazziunali e ntirnazziunali, e pruvucannu videmma l'annunciu dî dimissioni di Mariu Monti, attuali prisidenti dû cunsigghiu di nu cuvernu tecnicu chi avìa nzinu a stù mumentu l'appoggiu dû PDL.
Stati Uniti: Fu annunciata la scuperta di nu sistema di pianeti ca furrìa tornu tornu â stidda Tau Ceti. Unu o dui di chisti s'avissinu a truvari ntâ zona d'abbitabbilitati dâ stidda.
Lu Cairu: Oggi la pupulazzioni eggizziana è chiamata a vutari pi lu pruggettu di custituzzioni priparatu dû prisidenti Mohammed Morsi e dî na cummissioni cumpunuta essenziarmenti di membri dû partitu dî frati mussurmani, partitu a cui lu prisidenti apparteni.
Stati Uniti: Ntî na scola elimintari dû Connecticut nu picciottu di vint'anni ammazzau 26 pirsuni tra cui na vintina di picciriddi e appoi s'mmazzau. Tra li traggedi di stu tipu ca si virìficanu ntê Stati Uniti ogni tantu di na vintina d'anni, chista è la cchiù gravi.
