Cuncìliu Vaticanu Secunnu

Cirimonia di graputa dû Cunciliu Vaticani II.

Lu Cuncìliu ecumènicu Vaticanu II fu lu vintunèsimu e, nzinu a ora, è l'ùrtimu di li cuncìlii di la crèsia cattòlica.

Fu urdinatu di papa Giuvanni XXIII a lu 25 di jinnaru 1959 e di quannu si detti pubbricamenti la nutìzzia, ci foru tri anni di travaghi ntô mentri ca na cummissioni priparatòria, sintuti tutti li vìscuvi cattòlichi, addifinìu l'argumenti ca s'avìanu trattari nta li sissioni plinarî dû Cuncìliu.

Lu Cuncìliu fu graputu ufficiarmenti a lu 11 di uttùviru 1962 di papa Giuvanni XXIII dintra a la basìlica di San Petru 'n Vaticanu.

Quannu Giuvanni XXIII murìu, (a lu 3 di giugnu di lu 1963), lu Cuncìliu vinni cuntinuatu di lu so' succissuri Papa Paulu VI.
Foru fatti 9 sissioni, nta quattru pirìudi, e spirdìu a lu 7 di dicèmmiru 1965.

Foru pubbricati quattru custituzzioni, tri Dichiarazzioni e novi Dicreti.