Crisi pulìtica taliana 2008

Dâ Wikipedia, la nciclupidìa lìbbira.
(Rinnirizzata di Crisi Pulitica Taliana 2008)
Jump to navigation Jump to search
Rumanu Prodi

Lu jovidìa 24 di jinnaru2008 lu Prisidenti dû Cunzigghiu dê Ministri talianu Rumanu Prodi pirdìu la vutazzioni di fidùcia ntô Sinatu, purtannu a la cascata dû sò cuvernu.

Sta crisi pulìtica s'appi pô ritiru dû supportu ô cuvernu di l'UDEUR, ca facìa parti dâ cualizzioni di l'Unioni di Rumanu Prodi e ca era ndispinzàbbili p'aviri la maggiuranza ô Sinatu; chistu succidìu doppu ca li media rifireru ca la prucura di Santa Maria Capua Vetere, nna na nchiesta supra la prisunta gistioni nun lècita dû putiri 'n Campania, ndagau lu ministru talianu dâ Giustizzia Climenti Mastella, mentri ca sò muggheri, Sandra Lonardo, prisidenti dû Cunsigghiu riggiunali dâ Campania, era a l'arresti dumiciliari. N'àutri quarchi 30 amministratura di l'UDEUR, cu àutri urdinanzi di custòdia cautilari, èranu cuinvurgiuti ntâ vicenna.

La vutazzioni pâ fidùcia ô cuvernu, ca si tinìu ô Sinatu ntra li 3 e li 19 dû vèspiru, si pirdìu pi 156 voti contra a 161 voti. Nu sinaturi (Scalera) s'astinìu, mentri ca tri nun èranu prisenti (Andriotti, Pallaru e Pininfarina).
Ntô mentri di nu dibbàttitu assai càudu, lu sinaturi dô partitu di l'UDEUR, Stèfanu Cusumanu, svinìu doppu c'avìa dittu dê sò ntinzioni di vutari pâ fidùcia ô cuvernu e doppu ca, pi chissu, li sò cullechi lu pigghiaru a mali palori e quarchi d'unu ci sautàu macari 'n coddu, dicènnuci "tradituri e pezzu di merda".


Rumanu Prodi avìa già vinciutu â Càmmira dê Diputati, arricivennu ddocu la fidùcia, ma ô Sinatu parìa assai diffìcili putiri aviri lu stissu risurtatu e si dici ca lu stissu Prisidenti Giorgiu Napulitanu l'avìa scunzigghiatu d'affruntari ssi vutazzioni.

Prodi stetti ô cuvernu ppi vinti misi, doppu aviri vinciutu l'alizzioni di l'Aprili 2006. Ntô frivaru 2007, lu Prisidenti dû Cunzigghiu avìa rassignatu li dimissioni, ca foru arrifiutati dô Capu dâ Ripùbbrica, e, doppu ca avìa vinciutu nu votu di fidùcia ntô Parramentu, s'avìa arristatu 'n càrrica.

Lu prisidenti Napulitanu, custatannu chi n'autru cuvernu nun era pussibbili, dicisi di sciogghiri li càmmiri e di urdinari elizzioni pulitichi novi, chi si tìnniru ntâ primavera. L'elizzioni foru vinciuti dû centru-destra di Silviu Berlusconi, chi accussì potti turnari ô cuvernu.