Compact Disc
Lu CD è nu suppòrtu circulàri cuncipìtu pi lu stuccàggiu di dati sutta na forma diggitàli.
S'apprisenta comu nu discu di plastica ê sfumatùri argintàti, di circa 12 cm di diàmitru. Li primi CD all'inìzziu di l'anni '80 erunu addibbiti â riproduzziòni diggitàli di musica. L'usu ntî l'infurmatica si diffunnìu quarchi annu doppu.
Li dati dû CD sunnu liggiùti di nu raggiu laser, chi a sicunna di l'urientazzioni di specchia nciduti ntô discu dicudifica li bits mimurizzati ntô discu ntî nu signali audiu o ntî autru tipu di file.
'N infurmatica nu CD pò cunteniri 800 megabytes di dati. L'evoluzzioni tecnulòggica purtau a elabborari tra la fini di l'anni '90 e l'inizziu dû XXI sèculu àutri supporti chi s'apprisentanu di fora comu nu CD, ma chi hannu na struttura nterna diversa, e chi pònnu cuntèniri chiossai dati: lu DVD chi pò cunteniri nzinu a 8 Gigabytes e lu Discu Blu-Ray chi pò cuntèniri nzinu a 25 Gigabytes.
