Alfiu Antico

Dâ Wikipedia, la nciclupidìa lìbbira.
(Rinnirizzata di Alfiu Anticu)
Glen Velez, Luca Recupero e Alfio Antico ntâ sicunna edizzioni di lu Marranzano World Festival di Catania ntô 2007

Alfiu Antico (Lintini, 22 di nuvèmmiru 1956), o Alfio Antico n talianu, è un cantanti e musicista sicilianu di Lintini (SR).

Biografìa[cancia | cancia la surgenti]

Nzinu a l'etati di 18 anni, Alfiu Antico faci lu pasturi tra li muntagni e li cullini assulacchiati siciliani dû ntruterra sarausanu rispirannu li fàvuli, li stori, li miti e liggenni dâ cultura dî viddani e dî pastura siciliani. La sò nanna sunava lu tammureddu.

Antico ci havi cchiù di sittanta tammuri, tutti fabbricati d'iddu e maravigghiusamenti ntarsiati cu mmàggini di divinitati, e signi antichi di saggizza aterna.

Appoi iddu si nni và a lu cuntinenti, a Firenzi, unni càmpanu assai studenti e travagghiatura salentini, sardi, calabbrisi, e siciliani. La mùsica salentina, nta dd'anni di riscuperta, fu fèrtili pâ rinàscita d'Alfiu Anticu.

Nta li sò manu, lu tammuru esprimi sònira ca fannu capiri li risursi stremi di stu strumentu sìmprici. Alfiu esprimi la sò puisìa ntâ lingua ca megghiu canusci, lu sicilianu.

Discugrafìa[cancia | cancia la surgenti]

  • Anima ngignusa 2000. Li canzuni 'n sicilianu: Occhi di ciumi, Ventu e caristia. e Anima 'ngignusa.
  • Supra mari 2003. Li canzuni 'n sicilianu: Supra mari, La me' badìa, Viru a mi stissu, Si ti virissi, Amuri anticu, Dialicu d’amuri, Pitti petti, Dormi stanchizza, Cu ti lu dissi, Ma guarda guarda, Fila fila, e Palummedda.
  • Viaggio in Sicilia 2005. Li canzuni 'n sicilianu: Anima 'ngignusa, Strilli stratuzzi, Amuri Anticu, Cumpari Ninu, Pitti petti, Fila fila, Allegru Diu, Supra mari, La me' badìa, e Viru a mi stissu.

Liami nterni[cancia | cancia la surgenti]

Liami sterni[cancia | cancia la surgenti]