Nfurmazzioni di garanzia

Dâ Wikipedia, la nciclupidìa lìbbira.
(Rinnirizzata di 'Nfurmazzioni di garanzia)
Jump to navigation Jump to search

Na nfurmazzioni di garanzia (ca li jurnalisti chiamanu videmma avvisu di garanzia) è n'istitutu privistu di l'articulu 369 di lu Codici di Prucidura Pinali talianu cu lu quali na pirsuna veni avvisata ca è suttapunuta a nnàggini priliminari, zoè dda fasi prucissuali nta cui s'arricogghiunu elimenti utili â furmulazzioni di na mputazzioni.
La difinizzioni veni dô fattu ca sta nfurmazzioni garantisci â pirsuna ca veni spiruta di lu pubbricu ministeru ("in piego chiuso raccomandato con ricevuta di ritorno") la pussibbilitati di èssiri assistuta di nu propiu difinzuri di firucia, e cunteni nu mmitu a esircitari sti facultati.
Sta nfurmazzioni mostra videmma li normi ca si ntènnunu èssiri viulati e lu locu unni succidèru.

Chissu sintissi a diri ca vulissi garantiri l'esircizziu ô dirittu d'addifinnìrisi sulu pi l'atti pi li quali li difinsuri hannu lu dirittu d'assistiri.

N pratica, si suttantenni ca è nu dirittu di cu veni accusatu e di lu sò difinsuri di sapìri n prima pirsuna li capi d'accusa o di l'iputisi di riatu supra a lu so cuntu, e nun pi menzu di la stampa, zoè ca li nutizzi vennunu prima cumunicati a lu dirittu ntirissatu e, ivintuarmenti, nta nu sicunnu mumentu veni fattu di pubbricu duminiu.

Chiossai, la pirquisizzioni e lu siquestru nun hannu a èssiri priciduti di na nfurmazzioni di garanzia ca avissi a èssiri effittuata doppu ca furu cumpiutu l'atti, picchì è n' attu a surprisa.