Mi chiamu Giusi La Tona e sugnu di Palermu. Studiai lingui nta l'Università di Palermu e m'appassiunai a lu Sicilianu, ca nta l'università si studìa comu "Dialettologia Siciliana".
Un jornu m'addunai ca c'era un Forum di la Lingua Siciliana nta Yahoo e ni vosi fari parti.
Accamora sugnu la redattura di la pàggina Lingua Siciliana (.it) e cullàbburu cu àutri siti pi la diffusioni di la lingua siciliana.
Chiddi ca mi vulìssiru scrìviri, mi ponnu mannari un imeil a stu ndrizzu: sicilianolinguaviva at yahoo puntu it
Lu 6 di giugnettu Pippu mi candidau comu Amministraturi dâ Wikipedia Siciliana e lu 20 di giugnettu fui iliggiuta.
Mi piacissi ca tu, chi stai liggennu sti linî, putissi cullabburari cu stu pruggettu. Avemu bisognu di l'ajutu di tutti chiddi chi àmanu la lingua siciliana e la nostra bedda terra.
